Регион
Ѓуриќ раскажа што се случувало на Косово: Ме влечеа како куче за да ме понижат
Шефот на српската канцеларија за Косово и Метохија, Марко Ѓуриќ, изјави дека вчера албанските сепаратисти, како што ги нарече, се обиделе на брутален начин, со насилство и терор да го заземат северот на Косово.
Џуриќ, кој првпат се обрати до јавноста по апсењето, изјави дека е горд на српскиот народ кој се бранеше за време на настанот.
„Тоа за мене не се полицајци, туку е разулавена терористичка банда“, рече тој.
Џуриќ додаде дека припадниците на полицијата го влечеле како куче, го тегнеле за вратоврската по улица обидувајќи се да го понижат.
„Се обидеа да ме понижат. Освен удари, набивање на главата на колениците и правење селфија, се обидоа да ме заплашат набивајќи ми калашников во стомакот. Еден од нив извлече и нож. На патот кон Приштина викаа ‘Алах акбар’“, ракажа директорот на Канцеларијата за Косово и Метохија.
Според неговите зборови, кога го извадиле од транспортерот и го воделе низ улиците во Приштина, целта била да го стават во некој подрум.
„Да не беше еден повик од Белград, насилството во Митровица и теророт над Србите ќе продолжеше. Фала богу, заврши“, рече Ѓуриќ.
Ѓуриќ вчера во Приштина беше приведен, за време на неговата посета на Косово. Косовските власти образложија дека тој нелагално ја преминал границата, додека српските велат дека посетата на Ѓуриќ била уредно и навремено пријавена. Дел од косовските медиуми напишаа дека апсењето на Ѓуриќ го нарачал косовскиот премиер, Рамуш Харадинај, со цел да го понижи. Европската претставничка Федерика Могерини најави вонредна средба вечерва со претседателот на Србија, Александар Вучиќ, откако вчера ЕУ официјално апелираше на разум и смиреност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Поплави во Херцеговина: куќи под вода, нивото на реките продолжува да се зголемува
Во подрачјето на Херцеговина, во последните 24 часа, семејни куќи и населби се поплавени, реките се излеале и има лизгања на земјиштето, па затоа прогнозите за нови, уште пообилни врнежи од дожд предизвикуваат загриженост кај граѓаните и властите.
Штабот за цивилна заштита на Херцеговско-неретванската жупанија, со седиште во Мостар, предупреди на опасностите што би можеле да ги донесат обилните врнежи од дожд што се очекуваат во следните два дена.
Според метеоролошките прогнози, локално се очекуваат повеќе од 200 литри дожд на квадратен метар, што може да предизвика ненадејни поплави, излевање на реките и нови лизгања на земјиштето. Таква количина на врнежи од дожд е забележана во есента 2024 година, кога последиците во БиХ беа трагични со 27 смртни случаи.
Цивилната заштита предупредува дека интензивните врнежи од дожд можат да доведат до закана за животот и здравјето на населението, сериозни проблеми во сообраќајот, прекини во снабдувањето со електрична енергија и отежнат пристап до одредени населби.
На надлежните служби и јавните претпријатија им се препорачува да бидат во состојба на висока готовност, да спроведат превентивни мерки и да обезбедат подготвеност на персоналот и механизацијата за евентуални итни интервенции.
Регион
Кокаин вреден 10 милиони евра пронајден во камион на српски возач во Италија
Српскиот државјанин Д. В. (54) беше уапсен во Италија откако полицијата откри 110 килограми кокаин со висока чистота во кабината на неговиот камион. Вредноста на запленетата дрога се проценува на околу 10 милиони евра, а возачот, како што објавија локалните медиуми, бил запрен поради неисправно светло на возилото за време на рутинска проверка, пишува Nova.rs.
Италијанската полиција вршела рутинска сообраќајна контрола во областа Лисерт кога забележала камион со неисправно светло. Му сигнализирале да застане, но возачот ја игнорирал наредбата и продолжил да вози. Полицијата успеала да го запре непосредно пред границата со Словенија.
При детален преглед на возилото, полицајците пронашле три големи патни торби во кабината на возачот. Тие содржеле вкупно 100 пакувања кокаин со висока чистота, со тежина од 110 килограми. Според истражителите, вредноста на запленетата дрога е околу 10 милиони евра, додека нејзината улична вредност, по мешањето со други супстанции, би можела да достигне 20 милиони евра.
Според официјалната документација, камионот транспортирал керамички плочки од Шпанија во Србија. Италијанските власти забележуваат дека Шпанија се смета за една од главните влезни точки за кокаин што пристигнува во Европа од Јужна Америка.
Истражителите истакнуваат дека начинот на кој била транспортирана дрогата укажува на директна вмешаност на возачот, со оглед на тоа што кокаинот не бил скриен во товарниот простор, туку бил во кеси во кабината.
Возачот моментално е во притвор во Трст, а според достапните информации, досега не е кривично регистриран.
Случајот го презеде Дирекцијата за борба против мафијата (DDA) во Трст, чија главна цел е да ја разоткрие целата мрежа за дистрибуција на дрога и да ја утврди крајната дестинација на запленетиот кокаин.
фото/депозитфотос
Регион
Снегот во Сараево сруши дрво врз жена: од повредите почина
Трагедија се случи утрово во населбата Грбавица во Сараево кога дрво падна врз жена. Жената им подлегна на тешките повреди и покрај напорите на лекарите, објавува „Avaz.ba“.
Несреќата се случила во утринските часови кога бор, висок повеќе од 10 метри, паднал врз жената. Таа веднаш била однесена во болница со повреди на главата опасни по живот.
Лекарите не можеле да ѝ го спасат животот и таа починала кратко потоа.
Снегот што паднал во текот на ноќта создал големи проблеми низ цела Босна и Херцеговина, пренесуваат медиумите во регионот.

