Контакт

Регион

Ќучук: Не се согласувам дека историјата е турната некаде под килим, прашањето е каде сака да биде Северна Македонија

Објавено пред

„Историјата е составен дел на преговарачиот процес, таа не е турната под килим, напротив – заедничката историска комисија треба да го исполни со содржина нејзиниот мандат“.

dobivaj vesti na viber

Ова меѓудругото во интервју за бугарското радио „Фокус“ го изјави Илхан Ќучук, бугарски европратеник и известувач за РСМ во Европскиот парламент.

На прашање зошто Илинденското востание не се одбележа заеднички, како национален празник на двата народа тој вели:

„Не ја пречкртавме, бидејќи историјата е составен дел на преговарачиот процес и не се согласувам дека е турната некаде под килим. Токму обратното, историјата како наука, која е конзервативна, треба да биде оставена во рацете на историчарите. Таков мандат ѝ е даден на соодветната историска комисија, и тој мандат треба да биде исполнет со содржина. И таа навистина да работи во духот на науката, во духот на заемното разбирање, да бидат најдени оние допирни точки што биле во минатото и да бидат побарани нови допирни точки кои треба да стапат во иднината. Тоа e неизбежно поврзано со членството на Северна Македонијa во ЕУ. Таму можат да најдат место и Бугарија, и Северна Македонија, и тоа не му противречи на националниот интерес на Бугарија – напротив, го збогатува и го задолжува да биде многу посоодветен кон новите реалности што се случуваат“ – вели Ќучук.

Отсуството на заедничко чествување Ќучук го припишува на нестабилната политичка ситуација.

„Ќе видиме како ќе биде догодина. Но со сигурност, секој заеднички обид да се одбележат такви датуми е задолжителен во нашите односи, ако тие имаат природно разбирање да врват кон иднината, а не кон национализмот, кон градење допoлнителни ѕидови” – рече тој.

Според него, потребна е оценка каде сака да оди македонското општество.

„Сега е дојдено времето да се врати довербата, откако се формализираа односите и тоа праведно, со договор кој треба да ги зацврсти односите меѓу двете земји, со посебен протокол, треба да бидат направени сите напори од бугарска и македонска страна за да проработат механизмите што се запишани, а не да останат лист хартија без да бидат реално исполнети. И да оставиме спокојно, во рамките на легитимниот мандат историската комисија да бара различни формулации, ако е неопходно – и со дејство на други нивни колеги, доколку тоа го помага процесот. Така што, прашањето е каде сака да биде Северна Македонија? Знам дека има луѓе кои сакаат да ја извлечат, и политичари кои имаат визија да ја извлечат на правилниот пат, да ја водат, има и такви кои сакаат да ја влечат во обратна насока. Тоа треба да го реши самата македонска елита“ – вели Ќучук.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

„Време е за радикални потези, испратете ја војската на границата со Србија“, порачаа хрватски политичари

Објавено пред

Хрватска смета дека е време да се преземат радикални мерки за заштита на хрватските граници и безбедноста на граѓаните, поради големиот прилив на илегални мигранти.

dobivaj vesti na viber

Клубот на пратеници на хрватските суверенисти вчера објави дека со оглед на зголемениот прилив на илегални мигранти во Хрватска, што резултира со сè почести инциденти, крајно време е да се преземат радикални чекори за заштита на хрватските граници, како и безбедноста на хрватските граѓани во погранични области.

Во врска со последниот инцидент со илегалните мигранти, кога наводно се слушале истрели врз хрватската полиција на границата со Босна и Херцеговина, од оваа пратеничка група велат дека ова само покажува дека без радикални мерки проблемот со илегалните мигранти нема да се реши или барем да се намали.

Хрватскиот министер за внатрешни работи Давор Божиновиќ вчера соопшти дека се води кривична истрага за околностите на пукањето од територијата на Босна и Херцеговина.

Карловачката полиција претходно соопшти дека полицајците, кои спречиле група илегални мигранти да влезат во Хрватска, биле сведоци на истрели од огнено оружје на пограничната област во градот Корански Луг кај Раковица.

Од страната на БиХ, пак, немаше такви информации.

Прикажи повеќе...

Регион

Рама: Без преседан, Србија стана жртва

Објавено пред

Премиерот на Албанија, Еди Рама, во врска со обвинувањата на Приштина кон Мирослав Лајчак рече дека тоа се работи што те оставаат без зборови.

dobivaj vesti na viber

Според него, ваквите потези предизвикуваат поголема штета наместо да ја подобрат состојбата наведувајќи дека патот што го избра Аљбин Курти не е патот што води до целта.

Во интервју за „Еј-би-си њуз“, Рама рече дека пристапот на Приштина ѝ помага на Србија бидејќи, според него, Србија станува жртва во очите на целата меѓународна заедница, пријателите и партнерите на Косово.

„Реакцијата на премиерот Курти пред неколку дена беше без преседан. Не се сеќавам на сличен случај, висок претставник на Косово директно да го обвини претставникот на ЕУ и да каже дека испратил писмо со жалба до официјалните лица, Шолц и Макрон. Тоа се работи што ве оставаат без зборови и дополнително му штетат на она што наводно се обидуваат да го поправат бидејќи теориите на заговор за соработката што ги откривте меѓу Србија и специјалниот пратеник на ЕУ не се нешто што е препорачливо да се прави“, рече Рама.

Не се сомнева, вели, желбата на Курти да го направи најдоброто за Косово, но никогаш не се доволни големата желба и добрата волја, потребна е стратешка визија за постигнување на целта, која тој овде не ја гледа.

На изјавата дека е малку парадоксално што Албанија претседава со Советот за безбедност, но е немоќна да влијае на Приштина, Рама одговара дека не сака да влијае на Приштина бидејќи постои влада што произлегува од волјата на народот, а има одговорност да го води Косово и да го избере патот до целта.

„Заклучокот е дека мислиме оти патот што го избраа не води до постигнување таа цел, туку води до судир со САД и ЕУ. Ова е тажно, но верувам дека е привремено“, рече Рама.

За него, извесно е дека тоа не го носи посакуваниот резултат за Косово, што е заокружување на процесот на нормализација, а потоа и излез од „ќор-сокакот на признавањето“, пред сè, меѓу земјите од ЕУ.

„Тоа е и целта на француско-германскиот план и тоа требаше да биде најголемото можно достигнување, а тоа би било де факто признавање од Србија, без разлика дали Србија формално ќе го признае Косово или не. Косово ќе има свое место, би се ослободило од товарот на конфликтот во продолжувањето на евроинтеграцискиот процес. ЕУ инсистира на процесот на нормализација бидејќи сакаат да го интегрираат Косово во целата структура на меѓународната организација и во самата Унија, која никогаш нема да се случи ако Косово не го реши овој проблем“, рече Рама.

На прашањето дали смета дека Србија има корист од ваквата состојба, вели дека е жално што пристапот на Приштина ѝ помага на Србија, а не на Косово, бидејќи ја виктимизира Србија во очите на целата меѓународна заедница.

„Србија игра игра бидејќи кратковидата политика на Приштина ѝ дава можност“, рече Рама.

На прашањето дали разговарал со украинскиот претседател за независноста на Косово, одговори дека „патот до конечното признавање на Косово минува низ Приштина“.

„Несомнено, разговаравме за тоа со претседателот Зеленски и за тоа во секое време разговараме со секој лидер кој претставува земја што не го признала Косово, но, од друга страна, ние сме многу јасни и убедени дека патот до конечното признавање на Косово не оди преку Украина или Гана, Нигерија, туку поминува низ самата Приштина, која мора да се потруди до крај да го искористи отворениот пат на голема можност создаден од француско-германскиот план, со поддршка на сојузниците, туку го поткопува со пристап што не го разбирам“, рече Рама.

Тој оцени и дека напорите на Србија и Русија повторно да се отвори прашањето за Косово во Обединетите нации се залудни.

Косово ја доби војната, вели тој, а Меѓународниот суд го потврди тоа.

„Ова се залудни пропагандни напори, но не водат никаде. Косово ја доби војната, Косово го потврди и самиот Меѓународен суд на правдата и тоа е неповратно. Поентата е дека Косово не е во состојба да освои мир, да го претвори мирот во добро, кое треба меѓународно да се потврди и да се развива во сите правци“, рече Рама.

Прикажи повеќе...

Регион

Габриел Ескобар: Не е точно дека САД не сакаат Срби во новата влада на Црна Гора

Објавено пред

Специјалниот американски претставник за Западен Балкан, Габриел Ескобар, изјави дека Вашингтон очекува новата црногорска влада да биде проевропска и реформистичка и посочи дека не е точно оти САД не сакаат Срби во новата црногорска влада.

dobivaj vesti na viber

„Ќе кажам дека е дезинформација дека САД сакаат да ги исклучат Србите од владата“, рече Ескобар во интервју за црногорската јавна телевизија РТЦГ.

„САД сакаат Црна Гора да има добри односи со Србија, но прашање е какви се намерите на партиите кои рекоа дека ќе го повлечат признавањето на Косово, ќе го доведуваат во прашање членството во НАТО, ќе се спротивстават на санкциите против Русија и многу други работи кои ги повторуваа до последните избори“, рече Ескобар.

Ескобар изрази сомневање дека просрпската десница во Црна Гора искрено сака да се сврти во проевропска насока.

Иако не го спомна тоа експлицитно, алудираше на просрпската и проруската коалиција „За иднината на Црна Гора“ предводена од Андрија Мандиќ, која сака да влезе во новата црногорска влада, но не е прифатена од мандатарот Милојко Спајиќ.

Прикажи повеќе...

Најново

Македонија29 минути

Бугарија јавно ќе ги објавува имињата на сите македонски граѓани кои извадиле бугарски пасоши

Бугарските пратеници со 180 гласа „за“ и ниту еден против или воздржан, на прво читање гласаа за измените во Законот...

Македонија2 часа

Беќаровски за забраната од Хрватска: Пиперките што се продаваат на нашите пазари се со многу поголема концентрација на пестициди

Во врска со оспорената пратка на пиперки во Хрватска, која вчера беше потврдена и од страна на Агенцијата за храна...

Македонија3 часа

Отворена закана на Стојанов до Македонците во Пустец: „Ќе ви ги одземеме пасошите ако не се пишете Бугари“

Претседателот на бугарската фондација Македонија Виктор Стојанов упати закана до Македонците од Пустец предупредувајќи ги дека ако не се попишат...

Македонија3 часа

Во дворските игри и дилови Мицкоски да не не меша, сам да си ги решава кавгите, велат од СДСМ

„ДПМНЕ се распаѓа. Внатрешни кавги, дворски игри, обвинувања и препукувања. Големи се внатрепартиските проблеми во ДПМНЕ и анти ЕУ кампусот....

Македонија3 часа

ВМРО-ДПМНЕ: Во Македонија не владее правото, туку владее мафија, криминалот и корупцијата се главниот приоритет на владата

Во Македонија не владее правото, туку владее мафијата. Во Македонија криминалот и корупција се основниот приоритет на владата на СДС...

Регион4 часа

Габриел Ескобар: Не е точно дека САД не сакаат Срби во новата влада на Црна Гора

Специјалниот американски претставник за Западен Балкан, Габриел Ескобар, изјави дека Вашингтон очекува новата црногорска влада да биде проевропска и реформистичка...

Европа4 часа

Зеленски по средбата со Бајден: Токму тоа им треба сега на нашите војници

Американскиот претседател Џо Бајден му рече синоќа на украинскиот претседател Володимир Зеленски дека САД ќе ја задржат силната поддршка за...

Свет5 часа

Крипто-менувачница во Хонг Конг под истрага, користеле инфлуенсери и измамиле илјадници луѓе

Полицијата во Хонг Конг ги истражува наводите за измама против платформата за тргување со криптовалути JPEX, откако инвеститорите се пожалија...

Европа5 часа

Експлозија во руски град, илјадници луѓе без струја

Најмалку 5.000 домови останаа без струја во рускиот град Тула, јавува руската режимска агенција РИА. Се наведува дека имало „итен...

Свет5 часа

(Видео) Се преврте училишен автобус во САД, двајца загинати

Автобус со членови на средношколски оркестар на екскурзија во музички камп излета од автопат по стрмен насип во државата Њујорк...

Регион6 часа

Милановиќ ги повика ОН да го признаат Косово; Вучиќ: Жабата виде дека коњот се потковува…

Српскиот претседател Александар Вучиќ вчера се потсмеваше на повикот на претседателот на Република Хрватска, Зоран Милановиќ, кој побара на Генералното...

Топ15 часа

Mалолетничка е жртвата на тинејџерот од Скопје кој ја прегази возејќи брзо украден автомобил и без дозвола

МВР објави детали за настанот од 30 август, кога 18-годишен скопјанец прегази девојче возејќи брзо, без дозвола и со украден...

Македонија16 часа

Мицкоски би бил најсреќен ако ме удри трамвај во Будимпешта, вели Груевски

Влијание врз пратеници од моја страна немало. ВМРО-ДПМНЕ треба аргументирано да и се спротивстави на Бугарија. Мицкоски раскажува дека ако...

Регион18 часа

Косово врие од лажни евро монети – уапсени и лица од Македонија кои внеле над 10.000 такви монети во Приштина

Келнерите во едно кафуле во Приштина се откажаа од проверката дали монетите од две евра се оригинални или не, бидејќи...

Македонија19 часа

Уставниот суд пресече за преспанскиот договор: „Донесен е во согласност со Уставот“

Уставниот суд одлучи да не поведе постапка за преспанскиот договор, со кој се стави крај на долгогодишниот спор за уставното...

Македонија20 часа

Груевски до членството: Тргнете се од ботовите и платените пропагатори

Експремиерот Никола Груевски порача до членството да се оддалечат од ботовите и платените пропагатори, коментирајќи дека има многу начини да...

Македонија1 ден

Отровен пестицид во пиперки увезени од Македонија откриен во Хрватска

Забранет отровен пестицид е откриен во зеленчук увезен од Северна Македонија, објави Европскиот систем за брзо предупредување за сообраќај со...

Македонија1 ден

„Гардијан“: Северна Македонија и Србија имаат најзагаден воздух во Европа

Европа се соочува со голема јавно здравствена криза бидејќи речиси сите Европејци живеат во области со опасни нивоа на загаденост...

Топ1 ден

(Видео) На Скопска Црна Гора запленети 400 кубици бесправно исечено огревно дрво, приведени 10 дрвокрадци

На 19 и 20 септември, на местото наречено Рамно на планината Скопска Црна Гора, во заедничка акција на Одделот за...

Македонија1 ден

ЦУК: Сите 18 пожари на отворено се изгаснати

Пожари на отворено утрово нема – сите 18 се изгаснати, според информациите од Секторот за операции и координација во Центарот...