Регион
Абазовиќ: Да се забрза формирањето влада за да не се губи времето на граѓаните

Црногорскиот премиер во технички мандат Дритан Абазовиќ смета дека треба да се забрза процесот на формирање влада за да не се губи времето на граѓаните.
Абазовиќ за ТВЦГ изјави дека е импресиониран од фактот што претседателот на Црна Гора, Јаков Милатовиќ, би сакал да ја види ГП УРА во новата влада.
Тој рече дека доколку мандаторот Милојко Спајиќ биде успешен во процесот на формирање влада, ќе му честитаат.
„Досега не сме се мешале во процесот. Носителот на мандатот има можност да го избере својот тим како што му одговара. Останувам при тоа дека, доколку биде успешен во ова, ќе му честитаме. Ние секако ќе водиме своја политика“, рече Абазовиќ, пренесува ЦДМ.
Ако не, истакна Абазовиќ, тогаш мораме да тргнеме кон некои нови решенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.