Регион
Адвокатот Тома Фила за момчето што го изврши масакрот во Белград: Ако се утврди дека нема нарушување, си оди дома

Момчето Коста К., кое на 3 мај годинава уби девет свои врсници и чуварот на Основното училиште „Владислав Рибникар“ во Врачар, сè уште е на специјалното одделение на Клиниката за неврологија и психијатрија за деца и млади во Белград, каде што е на преглед.
Татко му Владимир К. е во притвор, а на мајка му ѝ е забрането да ја напушти Србија.
Познатиот адвокат Томa Филa за „Телеграф.рс“ зборува за тоа каква судбина го чека момчето осомничено за масакрот.
„На осомниченото момче му се врши вештачење. Ќе биде детаљно прегледан и доколку лекарскиот тим утврди дека е ментално болен, остатокот од животот ќе го помине во лудница. Од друга страна, ако се утврди дека нема нарушувања, тој си оди дома“, тврди Фила.
Познатиот адвокат се осврна и на родителите на Коста.
„Не знам многу факти за татко му за да го предвидам исходот. Сè зависи од Обвинителството и за што ќе биде обвинет и како тоа ќе се докаже. Што се однесува до мајката, не гледам каков ќе биде резултатот од органот за старателство. Имало ли злоупотреба на деца?“, вели Фила по повеќе од два месеца од трагедијата.
Момчето што го изврши масакрот немало 14 години во моментот на злосторството и не е кривично одговорно според српскиот Кривичен законик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.