Регион
Албанија пронајде начин да привлече повеќе британски туристи
Албанија во моментот не котира високо на листата на најпосетени земји во Европа. Годишно, 80.000 британски туристи ја посетуваат оваа земја, што е многу малку доколку се земе предвид дека дури три милиони одат во соседна Грција, a 765.000 ја посетуваат Хрватска. Но, тоа може да се промени доколку сè има добра стратегија на која, се чини, дека Албанија посветено работи.
Уште во 2014 година „Њујорк тајмс“ ја вклучи Албанија на листата на најдобри нови дестинации, а нејзиното крајбрежје го опиша како освежувачко и евтино место. Од друга страна, „Лонли планет“, главниот град на Албанија, Тирана, го вброи меѓу најдобрите места во Европа што вреди да се посетат оваа година.
Свесни за ваквите иницијативи, Албанците почнаа поинтензивно да го промовираат туризмот, а во оваа стратегија особено предничи фестивалот „Кала“, кој привлекува сè повеќе млади Британци. Фестивалот трае една недела и се одржува во пет хотели во Дерми. Токму овој фестивал може да ја зацврсти позицијата на Албанија како дестинација за добра забава и одмор.
Имено, фестивалот „Кала“ се одржа минатиот месец во Дерми, место што се наоѓа на 50 километри оддалеченост од Валона. Достапни биле само 2.000 билети, кои вклучувале сместување и транспорт. Фестивалот е главно ориентиран кон електронската музика, па на него настапија лондонски андерграунд-колективи, како Feelings и Secretsundaze, a главни изведувачи беа Том Миш, Тод Терје и Рој Ајерс.
Во моментот е малку тешко да се пристигне до ова место бидејќи мора да се патува со авион до Крф, а потоа четири часа со брод до Дерми. Но, ова е само привремено зашто во 2020 година ќе биде завршен аеродромот во Валона, од каде што туристите бргу ќе стигаат до околните градови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дојава за бомба во два трговски центри во Белград
Два трговски центри во Белград денеска добиле дојава за бомба, пишува „Евроњуз Србија“.
Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.
Во моментот во тек е евакуација на посетителите во овие трговски центри.
Регион
Опозициските политичари во Албанија запалија столчиња пред парламентот во знак на протест поради апсењето на нивниот колега
Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.
На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.
Припадниците на службата за безбедност брзо го изгаснале пожарот.
Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.
Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.
Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.
Демократската партија повика на голем протест во главниот град Тирана на 7 октомври.
Регион
(Видео) Дунав поплави село во Србија: До него се стигнува само со брод
Рибарско викенд село кај Сомбор е поплавено поради покачувањето на нивото на реката Дунав и единствен начин да се стигне до селото е со брод.
Водата ги поплави викендичките до висина на прозорците.
View this post on Instagram
– Во ова викенд одморалиште нема струја и во моментов се стигнува само со брод – пишува во описот на видеото објавено на Инстаграм.
Се наведува и дека ваков вид поплави годинава се случуваат по трет пат и дека мештаните се навикнати секогаш да бидат први на удар.