Регион
Американскиот амбасадор во ОН: Косово и Србија итно да го спроведат договорот за нормализација
Амбасадорката на САД во ОН, Линда Томас Гринфилд, на одвоени средби со шефовите на дипломатиите на Косово и на Србија ги повика двете земји веднаш да го спроведат постигнатиот договор за нормализација, пренесува Радио Слободна Европа.
Гринфилд разговараше со министерот за надворешни работи на Србија, Ивица Дачиќ, вчера во Њујорк, ден пред седницата на Советот за безбедност за Косово. Претходно во средата, таа се сретна со вицепремиерот на Косово и министер за надворешни работи, Доника Гервала-Шварц.
„САД ќе продолжат да бидат активно ангажирани во поддршката на Косово и на Србија бидејќи тие ги исполнуваат своите обврски за постигнување предвидливи и мирни односи“, му рекла Томас-Гринфилд на српскиот министер со кого разговарале и за важноста на долгорочното партнерство меѓу САД и Србија.
Таа исто така ја нагласила важноста на тоа двете страни итно да ги спроведат обврските од историскиот правно обврзувачки договор за нормализација што го постигнаа, се вели во изјавата на портпаролот на мисијата на САД во ОН, Нејт Еванс.
Како што беше соопштено од Министерството за надворешни работи на Србија, Дачиќ во разговорот со американската амбасадорка истакнал дека Србија ќе го задржи конструктивниот став во однос на европскиот предлог и на спроведувањето на акцискиот план за натамошно нормализирање на односите со Приштина.
Сепак, Србија повторно има црвени линии од кои нема да се откаже. Дачиќ истакнал и дека работата на УНМИК во полн капацитет е од големо значење за Србија имајќи ја предвид чувствителната ситуација во Косово.
Шефот на српската дипломатија изразил и надеж дека во наредниот период ќе се реализира посетата на американскиот државен секретар Ентони Блинкен на Србија.
Во разговор со косовската министерка за надворешни работи, Доника Гервали-Шварц, амбасадорката Томас-Гринфилд повикала на итна примена на договорот за нормализација меѓу Србија и Косово.
Во изјавата на Еванс се вели дека Томас-Гринфилд и косовската министерка разговарале и за „долгорочното партнерство меѓу САД и Косово.
Србија и Косово треба да ги продолжат преговорите за нормализација на односите – што ги водат со посредство на ЕУ- на 2 мај во Брисел. Преговорите ќе продолжат во пресрет на засилените дипломатски активности на западните партнери, пред сè, на ЕУ и на САД.
Тие напори резултираа со постигнување на договорот од Охрид со кој косовскиот премиер Абилн Курти и српскиот претседател Александар Вучиќ се договорија за имплементација на спогодбата за патот кон нормализација на односите меѓу Србија и Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с