Регион
Бомба со три килограми ТНТ и фрагменти за бугарскиот јавен обвинител – избегнат е атентат

Обид за атентат на главниот обвинител на Бугарија Иван Гешев ја потресе Бугарија.
Неговиот заменик, Борислав Сарафов, потврди дека Гешев бил цел на атентат, а експлозијата била поставена на патот.
„Бомбата не беше само со ТНТ – околу 3 килограми ТНТ, според пресметките на експертите. Во неа имало и фрагменти. Се распрснаа и се заглавија на спротивните дрвја. Бомбата очигледно била активирана со намера да убие. Целта не е заплашување, не зборуваме за огномет. Металните топчиња што ги најдовме беа со големина на човечки нокт“, изјави Сарафов.
Тој прецизира дека сторителите ја активирале бомбата во моментот кога минувал автомобилот на Гешев, а маршрутите на обвинителот биле внимателно следени.
Инцидентот се случил на патот Софија-Самоков кај селото Ковачевци, во 11 часот и 45 минути. Според БТВ, обвинителот Гешев требало да отпатува за Турција, но во последен момент се премислил и отишол за настан посветен на млади обвинители. Пред патувањето, Гешев побара владините претставници да дадат извештај за тоа како земјата ги спроведува санкциите на ЕУ против Русија.
Кривичната постапка што е поведена за случајот е по глава 1 од Кривичниот законик – за терористички акт. Инспекторите бараат детонатори и ги собираат шрапнелите.
Гешев во моментот на несреќата патувал со семејството.
Според изјавите на сведоците, експлозијата го придвижила автомобилот на главниот обвинител на лево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.