Регион
Босанец се заканувал со масакр во Будва поради мрсен бурек

Граѓанинот на Босна и Херцеговина, М. К. (46), е осуден на затворска казна од 20 дена затоа што утринава се заканувал дека ќе убие жена и работник во пекарница во Будва.
Како што дознава „Вјести“, судијката на Судот за помали прекршоци во Будва, Магдалена Мијиќ, му изрече затворска казна, која веднаш ќе биде извршена.
Како што е соопштено за „Вјести“, државјанин на БиХ, утринава, околу 3.30 часот, бил во пекарницата и побарал да биде послужен по што незадоволен од услугата почнал да ѝ се заканува и да ја навредува вработената и ја опцул неколкупати.
„Јави се кај газдата, ќе викнам полиција, ќе ве запалам, сето ова ќе изгори, сакаш ли да ми ги отруеш децата затоа што бурекот е многу мрсен, дали сакаш да ме отруеш“, се заканил.
Еден час подоцна, околу 4.20 часот, државјанинот на БиХ се заканил и кон вработен велејќи: „Сакаш да ме отруеш, ќе ве запалам сите, ќе ве убијам, тоа убиство во Цетиње ќе биде мала работа“ мислејќи на масакрот извршен од Ацо Мартиновиќ на 1 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.