Регион
Босна и Херцеговина испрати протестна нота до Црна Гора поради истакнување на симболите на РС

Министерството за надворешни работи на Босна и Херцеговина (БиХ) испрати протестна нота до Министерството за надворешни работи на Црна Гора по повод вчерашната посета на претседателот на Република Српска (РС) Милорад Додик на Подгорица и неговата средба со Претседател на црногорското Собрание Андрија Мандиќ, при што не беа истакнати карактеристиките на БиХ, туку само ентитет на РС.
Министерството за надворешни работи на Босна и Херцеговина соопшти дека Босна и Херцеговина ги уважува и почитува националните карактеристики на Црна Гора, како и на другите меѓународно признати земји и дека очекува и претставниците на Босна и Херцеговина во Црна Гора да имаат ист третман, објави сараевскиот портал Кликс.
Посочена е и изјавата на Мандиќ дека „РС и Федерацијата ја создадоа БиХ“, оценувајќи дека ваквите потези можат само да ги нарушат добрососедските односи.
Сараевскиот портал наведува дека ова не е прв пат претседателот на Парламентот на Црна Гора да го игнорира знамето на БиХ за време на средбите со официјални лица кои доаѓаат од БиХ, потсетувајќи дека пред неколку дена бил домаќин и на претседателот на Народното собрание на РС, Ненад Стевандиќ, со знамињата на Црна Гора и на РС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.