Регион
(Видео) Во Белград потона сплав – тинејџери паѓаа водата и пливаа до брегот за да се спасат

Еден од гостите изјави дека на потонувањето на сплавот му претходел конфликт меѓу гостите и обезбедувањето.
Познатиот сплав Картел во Нов Белград потона синоќа, ноќта меѓу саботата и неделата, нешто по полноќ, во време кога на него имало голем број млади луѓе кои дошле да го гледаат концертот на сараевскиот рапер Цунами, пишува Блиц.
View this post on Instagram
View this post on Instagram
Како што може да се види на видеата објавени на Инстаграм профилот „moj_beo_grad_“, кога сплавот потонал, гостите се обиделе да се спасат скокајќи во Сава и пливајќи кон брегот.
View this post on Instagram
Објавени се бројни драматични видеа од местото на несреќата. На едната се гледа како спасувачите со чамци ги превезуваат гостите до брегот.
Како што дознава Блиц, на полицијата и биле потребни седум минути за да стигне до сплавот „Картел“ по дојавата, а на терен биле сите расположливи спасувачки единици на МВР на Србија, како и екипи за итни случаи.
Службите евакуирале 30-тина лица.
Една од девојките за „Блиц“ изјавила дека настанало вистинско стампедо кога сплавот „Картел“ почнал да тоне.
View this post on Instagram
– Некои почнаа да скокаат во водата и да пливаат до брегот, додека други останаа закотвени во страв да не се удават. Веднаш дојдоа и родителите на гостите кои беа заглавени на сплавот. Луѓето беа нервозни. Видов дека брзата помош му помогна на едно момче. Сите беа во паника. Повикаа помош“ изјавил за „Блиц“ девојка која била сведок на потонувањето на сплавот „Картел“.
View this post on Instagram
Еден од гостите изјавил дека на потонувањето на сплавот „Картел“ му претходел конфликт меѓу гостите и обезбедувањето.
– Поголема група луѓе почна да се симнува од сплавот и да се спротивставува на обезбедувањето. Потоа започна тепачката. Мостот почна да пука, сплавот да тоне и сите што истрчаа паднаа во водата – изјави очевидец.
На едно од видеата објавени синоќа на интернет се гледа атмосферата од настапот на раперот Цунами на „Картел“ пред потонувањето. Се гледа дека сплавот бил полн со многу расположени тинејџери кои немале поим дека наскоро ќе се борат за гол живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.