Регион
(Видео) Во Грција гори најголемиот пожар во историјата на ЕУ: „Огнот е надвор од контрола“

Грција се соочува со најголемиот пожар некогаш регистриран на територијата на Европската унија, изјави портпаролот на Европската комисија, посочувајќи дека 27. земји-членки на ЕУ во моментов мобилизираат речиси половина од заедничките европски воздушни сили за да и’ помогнат.
За помош на Грција беа испратени 11 авиони и еден хеликоптер од европската флота. Огнената стихија го зафати Националниот парк Дадија на североистокот на земјата. Таму се испратени и 407 пожарникари, изјави портпаролот на ЕК, Балаш Ујвари.
BREAKING: Current Greece fire is the biggest wildfire ever recorded in the European Union. pic.twitter.com/CZ8zo7oC1f
— The General (@GeneralMCNews) August 29, 2023
Во август, Грција го активира Механизмот за цивилна заштита на ЕУ по вторпат ова лето, а ЕУ распореди 11 противпожарни авиони од Хрватска, Франција, Германија, Шпанија, Шведска и Кипар, хеликоптер од Чешка, 407 пожарникари и 62 возила од Бугарија, Кипар, Чешка, Франција, Романија, Словачка и Србија.
Грчките пожарникари веќе единаесетти ден се борат со пожарот што беснее низ националниот парк, кој е познат како живеалиште на бројни ретки птици грабливки. Пожарот, кој се протега по територија од речиси 10 километри, „се уште е надвор од контрола“, изјави за АФП еден од портпаролите на противпожарната бригада.
Грција летово беше опустошена од бројни пожари, а властите ги припишуваат на климатските промени. ЕУ има на располагање 24 авиони и четири хеликоптери од земјите-членки за гаснење пожари во земјите на Унијата и во соседните земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.
Регион
Пронајдени се лицата кои исчезнаа во Грција

Никола Стефановиќ (31) и Марта Илиќ (19), кои исчезнаа во Грција, се пронајдени, како што потврди за Блиц нивниот пријател Милан Атанасковиќ, со кого го напуштиле Лесковац.
Двајцата биле пронајдени во Сер.
– Тие свртеле погрешно, се наоѓаат на 125 километри од местото каде што се упатија. Ја поминале ноќта во парк, дури денес нашле ви-фи и ме контактираа – изјави тој за „Блиц“.
Претходно српските медиуми објавија за нивното исчезнување.
„Тие отидоа со нас во Грција, требаше да прстојуваме стан до стан на истото место. Никола е пријател на татко ми, го замолил да оди пред него, да го следи, не го знаел патот. Сè беше во ред низ Србија и Северна Македонија, влеговме во Грција“, вели Јелена Стојиљковиќ за „Блиц“.
Откако направиле пауза на бензинска пумпа во Грција, го продолжиле своето патување.
Кога стигнале до втората рампа на автопатот кон Олимпик бич, Никола и Марта исчезнале.