Регион
(Видео) Вучиќ го прими ко-основачот на „Епл“: Морав 15 пати да прогуглам кој е
![](https://makfax.com.mk/wp-content/uploads/2023/12/Vozniak-vucic.jpg)
Ко-основачот на компанијата „Епл“, Стив Возниак вчера пристигна во Белград каде што го пречека српскиот вицепремиер и министер за финансии Синиша Мали, кој му го претстави градежниот проект „Експо 2027“, по што му врачи корпа со органски јаболка. Возниак вчера се сретна и со премиерката Ана Брнабиќ, а денеска беше примен од претседателот Александар Вучиќ, кој по средбата даде изјава за медиумите.
„Горд сум што е денеска со нас… Не знам точно што да кажам… Пронаоѓач и еден од основачите на Епл, но и еден за кој, луѓето, кои за разлика од мене, ја разбираат работата со која Стив Возњак се занимаваше, велат дека е генијалец, горд сум што е денеска во нашата земја, пресреќен сум што имам можност да го угостам.
Истовремено се занимавал со филантропски движења, најчесто подучувајќи деца. Тој е тука со сопругата Џенет и многу сум им благодарен за разговорите што ги водевме, бидејќи не можам да зборувам за компјутери, не знам ништо за тоа, освен да притиснам и да исклучам и евентуално да напишам некој текст, ништо друго“, рече Вучиќ.
„Кога ми кажаа, прво морав да прегледам 15 пати преку Гугл за да видам кој е Стив Возниак, слушнав, но сега… Кога им го кажав ова на некои пријатели кои се занимаваат со компјутери, ме прашаа: Шефе, можеме ли некаде да се сретнеме со него? Може ли да го чекам пред ресторанот?” Не знаев дека такво нешто постои во светот, знаев дека спортистите се ѕвезди, културни работници, мислев дека ѕвездите често се и политичари. Ние сме ништо во споредба со Стив Возниак, тој е таква ѕвезда, каква што не сум видел.
Некогаш доаѓаа тука најголемите американски актери, не сум слушнал дека некој е толку голема ѕвезда како Стив Возниак, толку е лудилото во Србија да го видиш, само да му подадеш рака, да се сликаш. Ќе искористам малку од тоа задоволство и ќе одам на ручек со Возниак“, додаде Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.