Регион
(Видео) Големи протести во Албанија: фрлајќи „молотови коктели“, бараа оставка од Еди Рама

Во Тирана илјадници приврзаници на опозицијата синоќа фрлаа „молотови коктели“ врз зградата на албанската влада и канцеларијата на градоначалникот и се судрија со полицијата.
Тие го обвинија премиерот Еди Рама за корупција, побараа негова оставка и ослободување на опозицискиот лидер Сали Бериша, кој е во домашен притвор.
Massive protest in Tirana, 🇦🇱 against the government and the narco state. It’s now or never against the worst government since Hoxha’s time✌️✌️ pic.twitter.com/lo5EzWE6FY
— Edith Harxhi (@EdithHarxhi) July 11, 2024
Тој е под истрага за наводна корупција за време на неговиот мандат како премиер од 2005 до 2013 година. Бериша ги негира наводите и го обвинува Рама за политичка одмазда.
In 🇦🇱 Albania’s capital Tirana, supporters of the opposition Democratic Party throw Molotov cocktails at the Prime Minister’s Office and call on PM @EdiRamaAL to resign. pic.twitter.com/WpJgk1BKQR
— Jakub Bielamowicz (@KubaBielamowicz) July 12, 2024
„Протестираме да ја урнеме оваа влада. Поради тоа страдаме сите овие години, ништо добро не доаѓа од оваа влада“, „Тука сум поради проблеми во здравството и образованието, поради сиромаштијата. Ова ме загрижува. Луѓето ја напуштаат државата“, „Пред следните избори мора да имаме преодна влада, која ќе гарантира дека нема да се украдат гласовите“, се дел од изјавите на демонстрантите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.