Регион
(Видео) Додека огнот ја голта земјата над Сутоморе, туристите на шеталиштето играат оро

Додека пожарникарите неуморно работеа на гаснење на пожарот во Сутоморе, Црна Гора, а жителите беа загрижени за своите животи и имоти, на Инстаграм се појави видео коешто ја подели јавноста.
На само неколку километри од огнот, во подножјето на ридот, луѓето играа оро на шеталиштето, пренесе „Блиц“.
Како што можете да видите на видеото, на шеталиштето во Сутоморе играат голем број млади луѓе. Одекнуваат звуци на автомобил и извици, додека во позадина може да се забележи пожарот кој ја зафатил шумата.
View this post on Instagram
Видеото брзо стана вирално и предизвика поделени мислења. Додека едни осудуваа, други ги поддржуваа младите луѓе.
„Кој ја смислил изреката: „Село гори, баба се чешла“, мислел на ова“.
„Луѓето дојдоа на одмор и секој од нив веројатно има некаков проблем. Кој гледа позитивно на животот, неговиот живот е подобар“.
„Секој што не полудува овде не е нормален!“.
„Дали тие би играле така ако гори улицата каде што живеат“.
„Можно ли е да се расправаме за ова одиграно оро? Секогаш треба да бидете весели, позитивни… Зошто да не играте уште едно. Секој денес има некаков проблем во својот живот. Зошто да не се опуштите, да не играте? Не треба само се да помрачиме и да гледаме негативно“, се само дел од коментарите.
View this post on Instagram
Вчера околу 18 часот на Сутоморе избувна пожар кој зафати дел од шумата и ситна вегетација. Пожарот беше видлив дури и од Бар, а драматичните снимки од пожарот брзо се проширија низ социјалните мрежи.
Според граѓаните, пожарот се уште не е локализиран.
Командантот на Службата за заштита и спасување на Бар, Ацо Вулевиќ, изјави дека се обидуваат да ја стават под контрола огнената стихија, пренесуваат црногорските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.