Регион
(Видео) Драматична ситуацијата во Кефалонија поради силно невреме, Аморгос го потресе земјотрес со јачина од 5 степени

Кефалонија, вчера, четврток, ја зафати силно невреме, а обилните врнежи предизвикаа лизгање на земјиштето и поплави на повеќе места во Грција.
Во меѓувреме, од друга страна, поради земјотрес со јачина од 5 степени според Рихтеровата скала, вонредна состојба е прогласена на островот Аморгос, кој се наоѓа во непосредна близина на Санторини.
Κεφαλονιά: «Βροχή» τα προβλήματα από την κακοκαιρία – Δρόμοι-«ποτάμια» και κατολισθήσεις https://t.co/Oyc3Tw3kz8
— naftemporiki.gr (@naftemporikigr) February 14, 2025
Ситуацијата во Кефалонија е драматична. На патиштата имаше одрони, тони кал ги покри улиците, а родители со деца останаа заробени во автомобилите поради што требаше пожарникарите да интервенираат за да ги ослободат.
«Σάρωσε» την Κεφαλονιά η κακοκαιρία – Χείμαρροι, δρόμοι ποτάμια, κατολισθήσεις και απόγνωσηhttps://t.co/P24FgrVQo2#VoiceNews #κακοκαιρία #Κεφαλονιά pic.twitter.com/Lg7hgjS7FR
— Voice News (@apokalyptikodel) February 14, 2025
Во јужна Кефалонија има обилни врнежи од дожд, кои континуирано паѓаат од четвртокот вечерта. Метеоролошките станици, лоцирани во разни делови на островот, забележаа високи врнежи на повеќе места.
Вонредна состојба на островот Аморгос
Островот го потресе земјотрес со јачина од 5 степени, а првата мерка беше затворање на училиштата. За речиси 2 недели забележани се повеќе од 14.000 сеизмички активности.
Аморгос, кој има помалку од 2.000 постојани жители, се смета за помалку ранлив поради неговиот карпест терен и помалку густата градба од Санторини.
Во неодамнешната изјава за „Грик репортер“, градоначалникот на Санторини, Никос Зорзос, го изрази својот оптимизам за ситуацијата во иднина.
„Ова е феномен што ќе заврши. Не може да трае вечно. Овие земјотреси ќе траат неколку дена, неколку недели, а потоа ќе престанат… Санторини ќе се врати како што беше“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пленковиќ: Моето семејство е длабоко трогнато од фактот што се сретнавме со папата во неговите последни часови

Хрватскиот премиер Андреј Пленковиќ упати сочувство по повод смртта на светиот отец Франциско до кардиналот Кевин Фарел, Камерленго на Светата Римска црква.
„Во името на Владата на Република Хрватска и во мое лично име, изразувам длабоко и искрено сочувство за смртта на Светиот Отец Франциско, чиј животен и духовен пат оставија неизбришлива трага во современиот свет.
Хрватскиот народ, кој чувствува блискост и длабока почит кон папата Франциско од самиот почеток на неговиот понтификат, денес жали за загубата на човекот со вера, едноставност, понизност и сила.
Тој остави длабока трага не само на Католичката црква, туку и на меѓународната заедница. Неговиот постојан повик за солидарност, милост и блискост со исклучените, заборавените, сиромашните и болните инспирираше и поттикна милиони луѓе ширум светот на акција.
Имав особена чест да се сретнам лично со Светиот Отец вчера на Велигден, во Неговите последни часови, заедно со мојата сопруга и нашите три деца. Тоа беше краток, но длабоко трогателен момент – средба исполнета со добрина, насмевки и благослови кои ќе останат трајно врежани во сеќавањето на целото мое семејство како скапоцен подарок во моментот на збогување.
Република Хрватска и хрватските верници остануваат благодарни за сè што беше и направи папата Франциско – за Црквата, за светот и за секој од нас“, напиша Пленковиќ.
Регион
Вучиќ: Папата Франциско ќе биде вечна инспирација

Светот изгуби исклучителен духовен водач кој ширеше љубов, мир и солидарност преку своето апостолско дело, објави денеска српскиот претседател Александар Вучиќ по повод смртта на папата Франциско, оценувајќи дека животот на папата посветен на верата, љубовта и служењето на другите треба да биде инспирација за целиот свет.
На платформата Х, Вучиќ истакна дека работата на папата Франциско за зајакнување на меѓурелигискиот дијалог и неговата посветеност на хуманизмот оставиле неизбришлива трага во историјата. „Папата Франциско беше гласник на надежта и помирувањето, секогаш во служба на најранливите, а неговото заминување е загуба и тага за сите нас, бидејќи својот живот го посвети на верата, љубовта и служењето на другите. Тој ќе биде вечна инспирација за сите нас“, рече тој.
Вучиќ, во име на граѓаните на Република Србија и во свое лично име, изрази длабоко сочувство до Римокатоличката црква и до сите верници ширум светот. „Нека му е вечна слава“, напиша тој на социјалната мрежа Икс.
Регион
Додик: Британски специјалци се дојдени во Република Српска да ме убијат

Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.