Регион
(Видео) Објавена снимка од ликвидација на познат член на црногорски мафијашки клан
Повеќе регионални медиуми објавија снимка од убиството на Даворин Балтиќ, што се случи на 1 јануари 2018 година во Врачар во Белград.
Убиениот Балтиќ беше една од жртвите на бруталната војна меѓу кавачкиот и шкаљарскиот клан од црногорското подземје, пренесува „Дневни аваз“.
Снимката од убиството беше првично објавена на порталот „Крик“, а на неа се прикажани две вооружени лица облечени во бели костуми кои се приближуваат до автомобилот на Балтиќ и од двете страни кон возилото пукаат со десетици куршуми. Балтиќ безбедносните служби го надгледувале како војник на кавачкиот клан.
Тој беше убиен додека со својот автомобил влегувал во гаражата на зградата во која живеел во Врачар.
Според информациите објавени во регионалните медиуми, кавачкиот и шкаљарскиот клан некогаш биле еден црногорски мафијашки клан, лоциран во близина на Котор, но по исчезнувањето на 200 килограми кокаин во Валенсија пред неколку години, меѓу нив започнала крвава војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поле и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата „Фена“.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментот е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и на телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 3.43 часот евакуирани се 330 лица.
Регион
Зеленски и Вучиќ денеска пристигнуваат во Дубровник, огромни безбедносни мерки
Денеска попладне, во Дубровник, се одржува самитот Украина – Југоисточна Европа. По тој повод, украинскиот претседател Володимир Зеленски првпат доаѓа во Хрватска. Заедно со него и со хрватскиот премиер беше најавено доаѓањето и на претседателот на Црна Гора, претседателот на Косово и на премиерите на Северна Македонија, Грција, Бугарија и на Албанија.
Се очекува и доаѓањето на српскиот претседател, Александар Вучиќ.
Учесниците на самитот треба да ја прифатат заедничката дубровничка декларација за чиј текст сè уште се преговара, но таа да оди по патот на претходните декларации од самитите во Атина и Тирана.
Главните точки на декларацијата, јавува ХРТ, треба да вклучуваат осуда на руската агресија, поддршка за територијалниот интегритет на Украина, вклучително и полуостровот Крим, поддршка за мировниот план на претседателот Зеленски, барање за процесирање на воените злосторства во Украина, поддршка за европската интеграција на Киев и членството во НАТО кога ќе се стекнат услови за тоа и поддршка за енергетска безбедност и обнова на Украина по завршувањето на војната.
Регион
(Видео) По поплавите, Неретва ја смени бојата
Неретва ја промени бојата во Мостар. Поради обилните дождови и поплави, под стариот мост повеќе не тече зелената река, туку кафеава и матна.
Во Грабовице, пред хидроелектричната брана, се насобрало куп ѓубре.
Само во хидроакумулацијата „Грабовице“, според процената, депонираниот отпад е речиси 50.000 м3, со континуиран прилив на нови количини.