Регион
(Видео) Тензиите во Будва не стивнуваат, градоначалникот повторно уапсен

Полицијата во Будва повторно ги уапси градоначалникот, Марко Царевиќ и претседателот на општинското собрание, Крсто Радовиќ.
Минатата среда полицијата уапси 23 лица, меѓу кои и Царевиќ и Радовиќ.
Како што соопштија тогаш регионалните медиуми, пред акцијата за апсење бројни полициски сили биле распоредени околу општинската зграда во која претходната ноќ останале уапсените први луѓе Царевиќ и Радовиќ, на кои неодамна им била изгласна недоворба од локалниот собраниски состав на Будва.
Денеска покрај нив уапсени се и членовите на Демократскиот фронт, Ѓорѓе Вујовиќ и Ѓорѓе Прибиловиќ, како и членот на СНП, Крсто Раџеновиќ.
Приведен е и Драган Бозовиќ, началник на Службата за заштита и спасување.
Според познавачите на состојбите, овој наплив на насилство е израз на нетпреливоста помеѓу властите во Подгорица и претставниците на Србите, која сега се префрла и на локално поле.
Според српските медиуми, скриена причина за апсењата на градоначалникот на Будва наводно е неговата поддршка на литиите кои Српската црква ги организира против Законот за вероисповед во Црна Гора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Регион
Вучиќ е во посета на Украина

Српскиот претседател Александар Вучиќ денес ќе ја посети Украина, што е прва посета на лидерот на земјата која одржува срдечни односи со Москва од почетокот на војната во февруари 2022 година, објави претседателството во соопштение.
„Претседателот на Република Србија ќе ја посети Украина еден ден во среда, 11 јуни, каде што ќе учествува на самитот Украина-Југоисточна Европа“, објави српското претседателство.
Српскиот шеф на државата не ја посетил Украина од почетокот на руската инвазија во февруари 2022 година.
Посетата доаѓа неколку дена откако Русија ги обвини српските компании за оружје дека се обидуваат да „забијат нож во грб“ на Москва со продажба на муниција на Украина.
Присуството на српска муниција во Украина никогаш не е јавно признато или целосно негирано. Неколку недели претходно, Александар Вучиќ, кој балансира помеѓу својот историски сојузник Русија и својата желба да се приклучи на Европската Унија, беше на Црвениот плоштад во Москва за да ја прослави 80-годишнината од поразот на нацистичка Германија.