Регион
(Видео) Тотален хаос во Собранието на Косово: пратениците се степаа, Курти го полеаја со вода и го истуркаа

На денешната седница на Собранието на Косово дојде до физичка пресметка меѓу претставници на владејачката Самоопределување и претставници на опозициските партии.
Како што јавуваат приштинските медиуми, инцидентот се случил за време на говорот на премиерот Курти.
Не се знае точно што се случило, но во еден момент премиерот Курти бил полеан со вода и почнале да се собираат пратеници по што настанала тепачка, пишува „Коха“.
Претседателот на Собранието, Гљаук Коњуфца, нареди полицијата да интервенира.
Шефот на пратеничката група на Алијансата за иднината на Косово, Бесник Тахири, претходно ја критикува владата за начинот на кој управува со состојбите на северот на земјата.
Тој побара одговор од премиерот Курти зошто до сега не ги следел советите на САД.
„Несомнено, вчерашниот ден е еден од најстрашните денови во историјата на владеењето на нашата држава. Тоа е денот кога владата и ова собрание беа обземени од страв и гнев. Премиере, вчера донесовте одлука да се повлечете по четири месеци експериментирање. По четири месеци откако го ставивте Косово како најсанкционирана земја. По четири месеци загрозување на полицајците. Излезете и кажете зошто го малтретиравте народот и воведовте санкции. Авторитетот ви падна на земја вчера. Мора да излезете овде и да покажете зошто им рековте ‘не’ на САД, отидовте во Братислава и се снајдовте“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Силно невреме во Хрватска: падна град со големина на лешник, дождот ги блокираше улиците

Денес попладне, Хрватска беше погодена од силно невреме.
Град со големина на лешник паѓаше неколку минути, и предизвика штета врз овошните насади и растенијата.
Според прогнозата, невремето би требало да се смири до вечерта.
„Истрамет“ пишува дека огромни количини дожд наврнале на крајниот југ од Истра. Тие забележуваат дека дождот предизвикал и поплави.
Општината апелира до жителите да не користат лични возила, освен ако не е потребно, со цел да се овозможи непречено работење на службите за итни случаи и да се избегнат доцнења и евентуални оштетувања на возилата поради поплави.
ДХМЗ издаде жолто предупредување за грмотевици за крајбрежната област и регионот Осиек за вторник, додека истото предупредување за среда важи само за крајбрежјето.
Регион
Шмит: Додик ја загрозува безбедноста на БиХ

Високиот претставник за Босна и Херцеговина, Кристијан Шмит, денес пред Советот за безбедност на ОН изјави дека постапките на властите на Република Српска опасно го загрозуваат уставниот поредок на Босна и Херцеговина и Дејтонскиот договор.
На сесијата одржана во Њујорк, високиот претставник го презентираше својот редовен шестмесечен извештај за ситуацијата во Босна и Херцеговина и истакна дека Дејтонскиот договор бил нападнат, што довело до невидена криза.
„Да бидеме јасни. Тековната криза е резултат на сериозни напади од страна на одредени политичари врз Дејтонскиот договор и правниот поредок во БиХ“, рече Шмит на седницата на Советот за безбедност.
Тој посочи дека овие напади уследија по пресудата на лидерот на босанските Срби, Милорад Додик, кој беше осуден на една година затвор, кога властите на РС се обидоа со своите закони да го спречат работењето на државните судски органи и безбедносните агенции во тој ентитет.
„Тој (Додик) дури и ја посочи можноста за отцепување“, рече Шмит, предупредувајќи дека е во тек „кулминација на долго планираните политики“.
„Станува збор за загрозување на територијалниот интегритет и суверенитет на земјата“, оцени високиот претставник, додавајќи дека е охрабрувачки што најголемиот број Срби вработени во властите на БиХ не ја следеле реториката на Додик.
Тој оцени дека во такви околности е важно меѓународната заедница јасно да ја поддржи територијалната целовитост и суверенитет на БиХ врз основа на Дејтонскиот договор.
Американскиот амбасадор Џон Кели потврди дека САД и администрацијата на Доналд Трамп остануваат посветени на стабилноста на Босна и Херцеговина и на Дејтонскиот договор. „САД цврсто се спротивставуваат на сецесијата и дестабилизирачката реторика“, рече Кели, изразувајќи јасна поддршка за високиот претставник.
Претставничката на Велика Британија и воедно специјална пратеничка на земјата за Западен Балкан, Карен Пирс, изјави дека прашањето за БиХ е клучно за стабилноста на Европа, а Додик ГО оцени како личност која претставува закана за суверенитетот и територијалниот интегритет на БиХ. Таа силно го поддржа Високиот претставник и потребата тој да ги користи своите овластувања во сегашните околности.
Рускиот амбасадор Василиј Небензја се спротивстави на тоа што на Шмит му беше дозволено да се појави како висок претставник уште на почетокот на седницата, но неговиот приговор беше одбиен. Потоа Небензија ја напушти салата во знак на протест, а кога се врати, за време на дискусијата го обвини Шмит за дестабилизација на БиХ по наредба на Западот и ја бранеше политиката на Милорад Додик и неговите соработници.
„Би било добро да се ослободат жителите на БиХ од надворешни влијанија што ја трујат атмосферата“, рече рускиот амбасадор.
Регион
Град со големина на јајце: невреме попладнево ја зафати Србија

Денес попладне, невреме пропратено со обилни врнежи од дожд и град и силни грмотевици зафатија делови од Србија.
Околу 13 часот, градот го забеле поширокото подрачје на Лозница.
Исклучително силна бура се формираше и над источниот дел на Србија и донесе град со големина на јајце во Заечар.
Попладне, силните грмотевици ќе се движат подалеку кон североисток.
На некои локации во Србија се очекува да наврнат повеќе од 30, па дури и 50 литри дожд на квадратен метар, со ризик од урбани поплави и порои.