Регион
(Видео) Хаос во српското собрание: салата се тресе од свирежи и извици, работата целосно блокирана

Пратениците во српското собрание денеска ја продолжуваат седницата, а власта и опозицијата расправаат за предлогот за ребаланс на буџетот, за акцизите, како и за спорниот закон за трговски друштва и за избор на нов министер за економија.
Опозицијата претходно најави дека ќе ја блокира работата на парламентот и побара одржување вонредни парламентарни и белградски избори до крајот на годинава.
Пратеникот на Зелено-левичарскиот фронт, Радомир Лазовиќ, изјави дека опозицијата ќе ја блокира работата на парламентот и ќе побара итен одговор од претседателот на Србија, Александар Вучиќ.
„На сите им е јасно дека власта не сака да ги исполни барањата на протестите, бараме распишување белградски и парламентарни избори за опозицијата како прв чекор да ги исполни барањата на граѓаните. Сметаме дека избори одржана до крајот на годината би било решение и бараме итен одговор од Александар Вучиќ. Ќе ја блокираме оваа седница додека не добиеме одговор за одржување на изборите и ќе продолжиме со протестите“, рече Лазовиќ.
На прес-конференција денеска говореа организаторите на протестот „Србија против насилството“ и пратеници во Собранието. Тие најавија дека бараат вонредни белградски и парламентарни избори до крајот на годинава и дека денеска ќе ја блокираат работата на парламентот.
Претседателот на собранието на Србија, Владимир Орлиќ, пред почетокот на седницата изјави дека со задоволство ја прифаќа желбата на опозицијата да учествува на изборите и дека за тоа ќе ги извести надлежните институции.
Пратеникот од Двери, Иван Костиќ, го поддржа предлогот на опозицијата за одржување предвремени избори и нагласи дека оваа партија, а како што вели и „државотворната“ опозиција, тоа го бара од март.
Пратеникот на Народното движење на Србија, Мирослав Алексиќ, ја повика премиерката Ана Брнабиќ да поднесе оставка од оваа функција, а претседателот Вучиќ да распише избори.
Претставниците на опозицијата почнаа да ја блокираат работата на парламентот веднаш кога членовите на Владата влегоа на седницата.
Сите пратеници на проевропската опозиција кренаа документи со кои бараа да се прекине насилството, да се преземе одговорност.
„Ќе работиме“, рече Орлиќ.
Сите претставници на проевропската опозиција станаа од столчињата и почнаа да го блокираат парламентот. Дел од толпата извикува „Забела, Забела“ и „надвор, надвор!“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Ќе се сретнам двапати со Трамп во наредните денови

Претседателот на Србија, Александар Вучиќ, синоќа изјави дека во следните три до четири дена ќе се сретне двапати со претседателот на Соединетите Американски Држави, Доналд Трамп, јавува Анадолу.
„Ќе се сретнам двапати, од различни причини, во следните четири дена. Не ми верувајте на збор, ги измешав датумите и временските зони“, рече Вучиќ за време на обиколката на работите во новата детска клиника „Тиршова 2“, одговарајќи на новинарско прашање за тоа кога ќе се сретне со американскиот претседател, додавајќи дека „сè ќе се случи во следните три или четири дена“.
Тој, исто така, најави дека очекува италијанската премиерка Џорџa Мелони да го посети Белград во август или септември, која ја опиша, заедно со претседателката на Европската комисија, Урсула фон дер Лајен, како една од најмоќните жени во светот.
Регион
Загина српски воен падобранец

Припадник на 63-та падобранска бригада, виш водник прва класа Милан Станковиќ, почина вечерва во Воената болница во Ниш од повредите здобиени при скок со падобран на воениот аеродром „Михајло Петровиќ“ во Ниш, соопшти Министерството за одбрана на Србија.
Во соопштението се наведува дека по приземјувањето, Станковиќ бил итно реанимиран и пренесен во болница, каде што, и покрај брзата реакција и напорите на лекарите, им подлегнал на повредите околу 19 часот.
Надлежните органи пристигнаа на местото на настанот. Истрагата е во тек. Началникот на Генералштабот на српските вооружени сили нареди формирање комисија за утврдување на околностите на вонредниот настан.
Српски Телеграф пишува дека Станковиќ е роден на 25 декември 1983 година и дека е во српската армија од 2005 година. Зад себе остави сопруга и две деца. Министерот за одбрана Братислав Гашиќ и началникот на Генералштабот на српската армија, генерал Милан Мојсиловиќ, испратија телеграми со сочувство до семејството на починатиот Станковиќ.
Регион
Не успеа ниту новиот обид за избор на претседател на косовското собрание

Собранието на Косово и енеска не го избра Аљбуљен Хаџиу за претседател на собранието.
При гласањето Хаџиу доби поддршка од 54 пратеници, 44 беа против, а три лица беа воздржани.
За него гласаа пратениците на Самоопределување, како и пратениците на малцинските заедници, освен Адем Хоџа, кој гласаше против.
На седницата не учествуваше пратеничката Дуда Баље, која досега гласаше против.
Против гласаа членовите на Демократската партија на Косово, Демократскиот сојуз на Косово и Алијансата за иднината на Косово.
Претставниците на досегашната опозиција, по седницата, изјавија дека сè ова личи на театар и ја обвинија победничката партија дека намерно го спречува конституирањето на парламентот бидејќи нема гласови за формирање на новата влада на Косово.
Од друга страна, Самоопределување ги обвини пратениците на поранешната опозициска партија дека го блокираат нивниот предлог.
Продолжението на конститутивната седница на косовскиот парламент е закажано за 1 мај.