Регион
(Видео) 15-годишен тинејџер со нож уби полицаец во БиХ, испратил чудни пораки пред нападот
15-годишен тинејџер синоќа ја нападнал полициската станица во Босанска Крупа, каде убил еден полицаец, а друг тешко ранил. Нивниот идентитет е познат. Убиениот полицаец е Огњен Маран од Босански Нови, додека ранетиот полицаец е Авдо Хасановиќ од Босанска Крупа, пренесува Кликс.
Истиот медиум пренесува дека напаѓачот пред нападот на полициската станица испратил чудни пораки до познаници, збогувајќи се со нив. Оние кои го познавале наведуваат дека бил склон кон верски екстремизам, пишува Кликс.
Напаѓачот влегол во полициската станица и прво со нож го нападнал Маран, кој веднаш им подлегнал на повредите. Тој потоа го нападнал Хасановиќ, кој се здобил со повреди и веднаш бил пренесен во кантонската болница „Д-р Ирфан Љубљанкиќ“, каде е во стабилна состојба.
„Сторителот на ова страшно злосторство е лишен од слобода. По истрагата ќе можеме да кажеме повеќе за овој настан, како и за мотивот на нападот“, изјави за Дневни аваз, Аднан Бегановиќ, портпарол на МУП на Уна- Кантон Сана.
На улиците на Босанска Крупа веднаш излегоа голем број полицајци. Припадниците на специјалната полиција биле на терен. Босанска Крупа се наоѓа на околу 200 километри северозападно од Сараево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
В недела граѓаните на Бугарија одат на седми предвремени избори во последните 4 години
Бугарските граѓани во недела одат на седмите предвремени избори во последните четири години, додека поделените политички партии во земјата се борат да формираат стабилна коалиција, а гласачите стануваат сè поапатични.
Бугарија, најсиромашната членка на Европската унија и една од нејзините најкорумпирани држави, се бори со ротирачки влади од 2020 година, кога антикорупциските протести помогнаа да се собори коалицијата предводена од централнодесничарската партија ГЕРБ, објави Ројтерс.
Последните анкети покажуваат дека нема јасен победник и очигледни опции за солидна коалиција.
Одѕивот на гласачите, кој се проценува на околу 30 отсто, се очекува да биде најнизок од падот на комунизмот. Гласањето завршува во 20 часот во недела, а во исто време треба да се знаат и резултатите врз основа на излезните анкети.
As Bulgaria prepares to hold its seventh parliamentary election in three years this Sunday, Gallup surveys show only 10% of Bulgarians trust the integrity of their elections.
Full story: https://t.co/1ZQ0Jo2Pyl pic.twitter.com/txVG39rSGO
— Gallup (@Gallup) October 22, 2024
Конечните резултати ќе бидат познати неколку дена подоцна. Доколку не се појави неочекувано политичко партнерство или силен лидер за обединување на коалицијата, повеќето аналитичари предвидуваат дека земјата повторно ќе оди на избори на почетокот на следната година.
„Има длабока криза на политичкиот систем“, вели Огњан Минчев, професор по политички науки на Универзитетот во Софија.
Ваквата дисфункција е загрижувачка за Бугарија, балканска земја со 6,4 милиони жители. Нејзиното пристапување во ЕУ во 2007 година отвори период на оптимизам обележан со пораст на животниот стандард и брз економски раст.
Сепак, глобалната финансиска криза, пандемијата на коронавирус и војната во Украина ги намалија странските инвестиции.
На Бугарија сега очајно и треба период на стабилна влада со цел да го забрза протокот на средства од европските фондови во нејзината прилично слаба инфраструктура и да ја приближи земјата до воведувањето на еврото.
Бугарскиот претседател Румен Радев и даде мандат на ГЕРБ да формира влада по последните избори во јуни, на кои партијата освои најмногу гласови и обезбеди 68 места во 240-члениот парламент.
ГЕРБ, сепак, не успеа да формира мнозинска коалиција.
Мандатот потоа им беше понуден на другите партии, но и тие не успеаја да направат мнозинска коалиција, поради што беа организирани нови избори.
Анкетата објавена денеска од агенцијата за истражување на јавното мислење Алфа Рисрч покажа дека ГЕРБ води со 26,5 отсто од гласовите.
Реформистичката партија Продолжуваме со промени (ПП) има 14,9 отсто, а ултранационалистичката проруска партија Препород со 14,2 отсто од гласовите.
Според Алфа Рисрч, се очекува излезноста да биде меѓу 30 и 32 отсто. Тоа е пад од повеќе од 75 отсто во однос на 1990-тите и околу 50 отсто од пред само три години.
Регион
Со нож избол психијатар во Црна Гора затоа што не му издал дозвола за оружје
Црногорската полиција денеска го уапси шеесет и петгодишниот Д.В. од северот на Црна Гора, бидејќи со нож нападнал и повредил лекар невропсихијатар кој не сакал да му издаде потврда за носење оружје.
Како што изјави за црногорските медиуми директорот на Општата болница Саша Грбовиќ, докторот Илхан Турсумовиќ се здобил со убодна рана во пределот на стомакот и расекотини на рацете и градниот кош.
„Животот на Турсумовиќ не е во животна опасност и во моментов му е укажана лекарска помош“, изјави Грбовиќ.
Според неофицијални информации Д.В. нападнал невропсихијатар бидејќи лекарот одбил да потпише лекарско уверение за носење оружје ден претходно, пренесуваат локални медиуми.
Инцидентот го потврди и црногорската полиција која преку соопштение наведува дека Д.В. „најпрво физички, а потоа со употреба на ладно оружје, нож нападнал лекар во Општата болница Пљевља и го повредил во пределот на градниот кош.
Според статистиката на црногорското Министерство за здравство од август, дури 11 отсто од црногорските медицински работници од почетокот на годинава биле изложени на физички напади. Исто така, истото истражување покажало дека дури 95 отсто од лекарите од итната медицинска помош доживеале вербален напад.
Регион
Експлозија на плинска боца во Лесковац, повредена трудница, која минувала покрај локал
Една жена е повредена само затоа што случајно одела пред Здружението на бранителите во Лесковац кога во него експлодирала плинска боца.
Парче од стакло ѝ го пресече лицето и итно е пренесена во болница, потврди новинар на самото место.
„Жената се чувствува добро и по укажаната помош, е пуштена дома. Инаку, таа е во рана бременост, па направивме и детаљни прегледи“, вели директорот на лесковачката општа болница, Небојша Димитриевиќ.
Шанкот целосно изгорел, а пожарникарите набрзина успеале да го локализираат пожарот за да не се прошири на другите околни згради.
Инаку, пожарот сè уште се гасне, а улицата во моментот е затворена за сообраќај. Исто така, во овој дел од градот нема струја.