Регион
Во Атина протести поради нападите во Сирија
![](https://makfax.com.mk/wp-content/uploads/2018/04/Atina-protest-u1.jpg)
Група приврзаници на грчката Комунистичка партија синоќа се обиделе да ја срушат статуата на поранешниот американски претседател Хари Труман во центарот на Атина за време на протестот поради воздушните напади на САД, Франција и на Велика Британија врз Сирија.
Демонстрантите се обиделе со брусилка да ѝ ги отсечат стапалата на статуата на Труман, а потоа и да ја срушат целата. Тогаш полицијата употребила солзавец за да ги растера по што избиле судири во кои најмалку тројца демонстранти биле повредени, пренесе „Ројтерс“ повикувајќи се на сведоци.
На протестот се собрале неколку стотици приврзаници на Комунистичката партија. Грчката новинска агенција АНА, повикувајќи се на поицијата, известува дека приведени се две лица, а дека една е повредена на протестот. Според информациите, во протестот учествувале студенти и ученици што марширале кон американската амбасада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.