Регион
Ги задави сопругата и синот, полицијата на БиХ се сомнева дека извршил самоубиство: го пребаруваат езерото

Ниту во текот на претходната ноќ, полицијата во регионот на Бања Лука не го пронајде Емир Селимовиќ (38), кој се бара поради сомнение дека ги задушил сопругата Инела Селимовиќ (37) и нивниот 13-годишен син.
Како што е потврдено за „Кликс“, во рамките на потрагата по бегалецот Емир Селимовиќ, припадници на Специјалната антитерористичка единица на Министерството за внатрешни работи на РС, нуркачки тимови денеска го пребаруваат езерото Дренова кај Прњавор.
На оваа локација синоќа биле пронајдени последните траги на бегалецот Селимовиќ, поради што постои можност тој да се самоубил скокајќи во езерото. Како што дознава „Кликс“, пронајдени се неколку предмети за кои постои сомневање дека му припаѓаат.
Истовремено, полициски службеници преземаат и низа други мерки и дејствија во поширокиот регион на Бања Лука, врз основа на информации и сознанија за можни движења на Емир Селимовиќ, но кои се уште не се потврдени.
Покрај лоцирањето на мобилниот, полицијата кај Прњавор го пронашла и автомобилот „шкода фабија“, со кој Селимовиќ избегал.
Автомобилот, кој е на убиената, вчераутро го снимиле надзорните камери на автопатот „9. Јануари“, како и излегувањето од автопатот кај Прњавор. Потоа започнала потрагата во поширокото подрачје на регионот Бања Лука.
Хеликоптер вчера бил забележан над поширокото подрачје Прњавор како ја надлетува локацијата каде е пронајдено возилото и местото каде што се сомничи дека се крие Селимовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Продолжен притворот за 10 осомничени за уривање на настрешницата во Србија

Високиот суд во Нови Сад го продолжи притворот на осомничените во истрагата за уривањето на настрешница на Железничката станица во Нови Сад на 1 ноември за уште 30 дена, соопштија од Вишиот суд во Нови Сад.
Продолжен е и куќниот притвор на сите осомничени.
На крајот на минатата година беше поднесен обвинителен акт против 13 лица.
Регион
Деканката на филозофскиот факултет од Ниш нападната со нож, вечерва собир за поддршка

Вечерва во Ниш се случува собир за поддршка на нападнатата деканка Наталија Јовановиќ.
Студентите велат дека ова е втор напад врз деканката Наталија Јовановиќ, но и уште еден во низата напади врз оние кои сакаат на фер начин да дојдат до вистината.
„Никогаш не сме молчеле за насилството, ниту ќе поминеме со наведнати глави покрај него. Ги повикуваме сите граѓани кои се желни за правда да ни се придружат на овој митинг“, се вели во повикот.
Деканката на Филозофскиот факултет на Универзитетот во Ниш, Наталија Јовановиќ денеска беше повредена со нож за време на собир на студенти и други граѓани.
Таа беше пренесена во Ургентниот со исеченица на раката, а потоа пуштена на домашно лекување.
„Доживеав голем стрес, останува само да се распарчиме. Нема потреба вака да продолжат тензиите, а знаеме кој ги шири, обвинувам една личност, таа ми извади нож, а тоа е претседателот на оваа држава“, изјави Јовановиќ, пренесе Н1.
За нападот уапсена е 69 годишна жена, поради сомнение дека сторила кривично дело насилничко однесување на спортски настан или јавен собир.
Регион
Осомничена за убиство на мајка си била кандидат на последните избори во Хрватска

Полицијата ја сомничи Милена Крамер (62), членка на Работничкиот фронт и поранешна членка на Социјалдемократската партија, за убиство на сопствената мајка во Загреб.
Лицето осомничено од полицијата дека во саботата ја задавила сопствената мајка во Врбани, е член на политичката партија Работнички фронт и кандидат на таа партија на последните парламентарни избори. Претходно, таа била долгогодишен член на СДП и член на претседателството на Месниот комитет во Чрномерец.
Крамер е наставничка во едно од загрепските основни училишта, а на последните избори за хрватскиот Сабор беше на 6. место на листата на Работнички фронт за избор на пратеници во 1. изборна единица, но како и целата партија не го помина изборниот праг.
„Јас сум во шок. Не ми се верува“ рече Катарина Пеовиќ, првиот човек на Работничкиот фронт.
Полицијата во саботата попладнето соопшти дека во Заагреб, 62 годишна жена ја усмртила 84 годишната мајка.