Регион
Во БиХ 1.219 новозаразени од коронавирус, починаа 12 лица

Во изминатите 24 часа 2.896 примероци се тестирани во Институтот за јавно здравје на БиХ, од кои 1.219 биле позитивни на SARS-CoV-2.
Регистрирани се нови случаи во сите кантони во БиХ. Досега се тестирани вкупно 201.479 примероци, а Ковид-19 е потврден кај 29.800 лица.
До денеска 19.083 пациенти се излекувани во БиХ, а во изминатите 24 часа е забележано закрепнување кај 420 пациенти. Во моментот 9.961 случај се позитивни на вирусот. Во изминатите 24 часа беа пријавени 12 нови смртни случаи во Институтот за јавно здравје на БиХ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин