Регион
Во Србија повеќе од 3.000 новозаразени, 46 починати

Во последните 24 часа во Србија биле тестирани 14.987 лица за коронавирус, од нив 3.136 биле позитивни, додека починале 46 лица.
Според последните податоци на Министерството за здравство и Институтот „Батут“, 283 пациенти се приклучени на апарати за дишење во болниците низ Србија. А вкупно се хоспитализирани 9.366 лица.
Од почетокот на епидемијата, во Србија официјално се потврдени 328.619 случаи на инфекција.
Стапката на смртност е 0,93 проценти.
До сега во Србија се тестирани вкупно 2.268.962 лица кои ги исполнија критериумите за дефинирање на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Билборди со честитки за роденденот на Лукашенко се појавија во Белград и Нови Сад

Во Белград и Нови Сад се појавија огромни плакати со честитки за роденденот на авторитарниот белоруски претседател Александар Лукашенко. Зад оваа акција стои Конзервативното движење „Наши“, објавува Нова.рс.
На постерите поставени низ српскиот главен град и Нови Сад пишуваше: „Среќен роденден, претседателе Лукашенко! Србија те сака!“. Иван Ивановиќ, лидерот на ова десничарско движење, е наведен како потписник.
Билборды Лукашенко в Сербии – Поздравление с днём рождения
В Белграде и Нови-Саде появилась поздравительная открытка к дню рождения Президента Александра Лукашенко#belarus #lukaschenko #lukasenko pic.twitter.com/tAcHB52eWM
— Иван Ивановић (@ivan_nasi) August 30, 2025
Ова не е прв пат движењето „Наши“ да организира слични кампањи. Во февруари минатата година, тие го преплавија Белград со постери со пораката „Србија е со Лукашенко“.
фото: принтскрин
Регион
Вучиќ на средба со Путин во Кина

Претседателот на Србија, Александар Вучиќ, ќе ја посети Народна Република Кина од 2 до 4 септември, каде што, на покана на претседателот на Кина, Си Џинпинг, ќе присуствува на прославата на 80-годишнината од победата во Втората светска војна.
За време на посетата на Пекинг, претседателот Вучиќ ќе се сретне со претседателот на Кина, Си Џинпинг, и со претседателот на Руската Федерација, Владимир Путин, соопшти Канцеларијата за односи со медиумите на претседателот на Србија.
Исто така, како што е наведено во соопштението, Вучиќ ќе се сретне со претставници на големи компании.
Регион
(Видео) Протести во Нови Сад: граѓаните се собираат, студентите влегуваат во факултетот низ прозорецот

Во Нови Сад се одбележуваат 10 месеци од уривањето на настрешницата на Железничката станица, при што загинаа 16 лица. Граѓаните ќе се соберат и ќе одржат 16-минутно молчење во 11:52 часот, кога се урна настрешницата, јавува Н1. По истиот повод, но од 19 часот, средношколците ги повикаа граѓаните да се соберат на кампусот на Универзитетот во Нови Сад.
Во Белград, студентите и учениците на блокада најавија комеморативна прошетка вечерва во 18:30 часот. Родителите, учениците и наставниците протестираат пред Петтата белградска гимназија.
Napeto ispred novosadskog DIF-a, studenti ulaze kroz prozor na Fakultet sporta i fizičkog vaspitanja! pic.twitter.com/lx01ECZOmO
— TV N1 Beograd (@n1srbija) September 1, 2025
Деканот на Факултетот за спорт и физичко образование во Нови Сад, Патрик Дрид, влегол во зградата на факултетот низ прозорец со помош на, според очевидци, тројца разбивачи и со асистенција на двајца полицајци.
Неколку студенти влегле и низ прозорецот на факултетот, додека пред влезот граѓаните се расправаат со полицијата, која ги туркала со штитови, пренесуваат српските медиуми.
Подоцна, ситуацијата почнала да се смирува, а студентите и граѓаните сè уште се собираат. Пред зградата на факултетот пристигнале засилувања на полицијата. Покрај Итната полиција, таму има и единица на жандармеријата.
фото: принтскрин