Регион
Во Хрватска втор најлош ден од почетокот на епидемијата, во Србија 254 новозаразени

Во последните 24 часа во Хрватска се регистрирани 130 новозаразени од коронавирус, така што во моментот има 686 активни случаи, вклучително и 35 здравствени работници.
Осуммина пациенти се на респиратор, соопшти на прес-конференција националниот штаб.
Хрватските медиуми посочуваат дека повеќето од новите случаи со вирусот се заразиле во ноќни клубови во Далмација поради што од националниот штаб посочија дека вчера биле сменети препораките за ноќните клубови, со забелешка дека не треба да работат затворените делови.
Вкупниот број на инфицирани од почетокот на пандемијата е 5.870, 2.297 лица се во самоизолација, а досега се направени 132.292 теста.
Ова е втор најлош ден во однос на бројот на новозаразени лица уште од почетокот на епидемијата – повеќе заразени биле регистрирани само на 11 јули кога во Хрватска биле забележани 140 случаи, пренесува „Јутарњи лист“.
Во Србија, пак, во изминатите 24 часа биле тестирани 8.768 лица, а 254 од нив биле позитивни. Регистрирани се и шест смртни случаи како резултат на компликации од Ковид-19.
Според податоците на српското Министерството за здравство, моментно на респиратор има 87 пациенти. Во однос на вчерашниот ден тоа е намалување за четворица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин