Регион
Вучиќ: Во вторник ќе го претставиме нашето најмоќно оружје

Српскиот претседател, Александар Вучиќ, синоќа, по завршувањето на воената вежба на Војската на Србија „Огнен штит 2022“, на која за првпат беше прикажано делувањето на противтенковските ракети Корнет, изјави дека армијата на земјата сега е многу посилна.
Истовремено, тој најави набавка на борбени беспилотни летала „Бајрактар“ од Турција, пренесува „Танјуг“.
„Во разговор пред два дена го прашав турскиот претседател Ердоган за ‘Бајрактари’ и добив ветување дека ќе можеме да ги купиме преку ред и да ги вклучиме во вооружувањето на српската армија“, рече Вучиќ.
Сепак, српскиот председател нагласи дека армијата ќе мора и натаму да ги зајакнува своите хеликоптерски единици и флотата на беспилотни летала – дронови.
Според него, српската армија располага со беспилотни летала Врабац, како и CH92 со помала разорна моќ, но ќе мора да се набават и летала CH95 со поголема разорна моќ.
Тој најави и дека во вторник или среда ќе биде претставено новото оружје, кое ќе биде најмоќното оружје што Србија го имала досега.
„Во вторник или среда, добредојдени сте да ја видите гордоста на српската армија“, рече Вучиќ, одбивајќи да каже за кое оружје станува збор.
На прашањето како го коментира тоа што француските медиуми објавија дека Србија е заинтересирана да купи 12 нови борбени авиони од типот Рафале, Вучиќ рече дека за нив преговарал една година.
„Веќе една година преговараме за купување на 12 нови авиони, а со друга земја преговараме за купување на 12 половни авиони од тој тип“, посочи српскиот претседател.
Тој додаде дека се разговара и за трета варијанта, таканаречената комбинирана авијација со ловци и бомбардери и дека во тоа се вклучени три земји, но дека се појавуваат и нови заинтересирани земји, па конкуренцијата е голема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Од топлотен бран до бури: силно невреме во Солун и на Халкидик

Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин
Регион
Хрватска е подготвена да прифати деца од Газа

Хрватска ги отвора вратите за децата од Појасот Газа, објави Министерството за надворешни и европски работи, со акцент на психосоцијална помош и едукација за опасноста од експлозивни направи, објавија хрватските медиуми.
„Република Хрватска ќе ги отвори вратите за децата од Газа на ист начин како што ги отвори за децата од Украина фокусирајќи се на психосоцијална помош и едукација за опасноста од експлозивни направи“, објави денес Министерството.
Во соопштението се нагласува дека Хрватска има искуство во ова од татковинската војна и дека има меѓународно признато знаење за дејствување против мини.
Министерството пишува дека државата е подготвена да прифати деца доколку се појават можности, за што верува дека ќе се појават, и нагласува дека континуирано спроведува проекти поврзани со украинските деца, од кои речиси 700 се згрижени во Хрватска преку јавен повик.
Планот го објави државниот секретар на Министерството за надворешни работи за политички прашања, Франо Матушиќ, на меѓународната конференција за мирно решение на палестинското прашање и спроведување решение за две држави во седиштето на ОН.
Регион
Украинско комбе се судри со руски камион во Словенија, петмина загинати

На автопатот кој ги поврзува Марибор и Љубљана, во близина на излезот Словенска Коњица, во правец на Љубљана, се случи тешка сообраќајна несреќа во која загинаа пет лица, а две се повредени. Несреќата се случила кога патничко комбе удрилo во камион. Сите жртви биле странски државјани, соопшти словенечката полиција, јавуваат медиумите во регионот.
Според досега утврденото, возачот на комбе со украински регистарски таблички, кое превезувало седум лица, поради несоодветна брзина, удрил во задниот дел од приколка која стоела во ред поради работи на автопат. Пет лица загинале во комбето на местото на несреќата.
Возачот, кој ја предизвикал несреќата, е полесно повреден, додека патничка е тешко повредена. Двајцата повредени се пренесени во болница, а тешко повреденото лице е пренесено со хеликоптер. Идентитетот на загинатите сè уште се утврдува.
Возачот на камионот, руски државјанин, не е повреден, но му е понудена психолошка помош поради сериозноста на несреќата, објавува Радиотелевизија Словенија. Несреќата се случила непосредно пред одморилиштето Тепање, на дел од автопатот каде што се во тек големи работи – се реновираат 13 километри пат, два тунела и три вијадукти. Полицијата потврди дека несреќата се случила пред работната зона каде што се формираат долги редици поради затворени ленти.
Фото: принтскрин