Регион
Вучиќ не ја исклучува можноста за средба со Курти
Српскиот претседател, Александар Вучиќ, не ја исклучува можноста за средба со новиот косовски премиер, Албин Курти, и додаде дека е добра вест што Курти размислува за укинување на таксите. Вучиќ во утринскиот дневник на РТС посочи дека е добро да се седне и да се разговара.
„Важно е да се укинат таксите, да може да се разговара. Курти мора да види и да сфати дека работите не се толку едноставни како што изгледаат кога седите во опозиција и можете да зборувате без каква и да е одговорност“, рече Вучиќ.
Тој истакна дека најавата за укинување на таксите е важна зашто тие во кус временски период предизвикале голема штета.
Прашан дали може да седне на иста маса со Курти и покрај заканувачките пораки кон Белград, Вучиќ рече дека Курти е изборот на албанскиот народ и дека Србија не може да одредува кој ќе биде претставник на албанскиот народ, како што не може да се доведува во прашање избраниот претставник на српскиот народ.
Тој посочи дека врз основа на информацииите што ги има и понатаму смета дека главниот збор во преговорите со Косово ќе го води Берлин и дека во следниот месец очекува средба со германската канцеларка Ангела Меркел.
Вучиќ посочи дека приказните на Курти за геноцид се налудничави, како и тоа дека Косово ќе се вооружува и нагласи дека тоа нема да ја исплаши Србија.
„Нема ништо од тоа, вие работете си ја вашата работа, ние ќе си ја работиме нашата“, порача тој. Српскиот претседател додаде дека се гордее што во последните осум години Србија немала воени судири, туку петкратно помалку инциденти на национална основа.
„Наша цел е да обезбедиме мир и да ја градиме земјата“, истакна тој.
Прашан што значи системот на економски и политички реципроцитет, Вучиќ рече дека Курти мора да најде нешто што ќе му понуди на својот народ.
„Со принципот на реципроцитет тој сака да каже дека се држава еднакво како и Србија. Ние не можеме да воведуваме принципи на реципроцитет бидејќи не го сметаме Косово за држава. А се плашам дека тоа би било лошо за нив“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Ова ќе биде клучна и една од најтешките години во светот
Претседателот на Србија, Александар Вучиќ, изјави дека утре ќе бидат потпишани 10 договори за соработка меѓу Србија и Казахстан и истакна дека ова е создавање темел врз кој ќе се изгради голема куќа на пријателство што е од интерес за двете земји.
– Разговаравме за геополитичката ситуација. Имаме речиси 100% согласност во оценките. Можам да зборувам за моите предвидувања. Можaм да прoмашам за неколку дена, но во суштина не. Очекувам наскоро да започне голем конфликт, сите знаете на кој мислам, и очекувам конфликтот во Украина да не заврши, мислам дека ќе продолжи долго време. Би сакал да грешам, би бил повеќе од среќен да излезам и да кажам дека моите проценки беа погрешни, но се плашам дека ќе бидам во право. Полека, сите влегуваат во ќорсокак, а кога сте во ќорсокак, се движите само кон потешки решенија и поголеми проблеми. Ова ќе биде клучна година и една од најтешките години во светот. Не би ја исклучил можноста за употреба на неконвенционално оружје во текот на оваа година – изјави Вучиќ, пренесуваат медиумите во регионот.
Регион
Вучевиќ: Верувам во силата на Дачиќ да се избори, и во нашите лекари
Лидерот на СНС и советник на претседателот на Србија, Милош Вучевиќ, денес изјави дека е неблагодарно да се зборува за идната здравствена состојба на претседателот на СПС и министер за внатрешни работи, Ивица Дачиќ, и дека тој верува во неговата сила да се избори.
„Неблагодарно е да се зборува. Не можам да кажам ништо друго освен она што го кажаа лекарите, семејството, а ми се чини од разговорот со колегите од СПС, дека е за нијанса подобро од синоќа, но сепак е предизвикувачко“, рече Вучевиќ во гостувањето во емисијата „Фокус“ на Б92.
Тој додаде дека верува во силата на Дачиќ да се бори, во нивните лекари и дека се моли на Бога да му даде на Дачиќ доволно сила да се извлече од сето ова.
Вучевиќ истакна дека настинките не треба да се потценуваат и дека секој треба да слуша што велат луѓето кои се експерти за тоа.
„Ивица Дачиќ има уште едно прашање, тоа е прашањето за дијабетесот, стресот, политиката, сè што ни се случува. Невозможно е да нема последици. Имавме многу предизвици. Минатата година имавме предизвици со Дарко Глишиќ. Овој повик беше направен со голем притисок“, рече Вучевиќ.
Дачиќ беше примен на Клиниката за пулмологија вчера попладне со пневмонија.
Регион
„Следната земја-членка на ЕУ“ – Црна Гора брендираше авион со европската амбиција за членство до 2028 година
Црногорската влада, која планира до крајот на годината да ги затвори сите преговарачки поглавја со Европската унија, претстави авион на националниот превозник „Ер Монтенегро“ со слоганот „28by28 – The next EU member“. (следна земја-членка на ЕУ).
Од Министерството за европски прашања соопштија дека целта на кампањата е да се испрати порака до меѓународната јавност дека Црна Гора до 2028 година ќе стане 28-ма членка на ЕУ.
Премиерот Милојко Спајиќ при претставувањето на авионот во Подгорица изјави дека пораката претставува „стратешка изјава на државата“, додавајќи дека Црна Гора нуди стабилност и нова енергија за Европа.
Министерката за европски прашања Маида Горчевиќ оцени дека членството во ЕУ е амбициозна, но остварлива цел и повика сите институции и општествени чинители да ја пренесат пораката „28 до 2028“.
Властите претходно најавија дека имаат намера до крајот на годината да ги затворат сите преговарачки поглавја, со цел членство до 2028 година.

