Регион
Вучиќ: Сакаат да го признаеме Косово за Србите таму да може да излезат на избори
Претседателот на Србија, Александар Вучиќ, зборуваше од Дубаи, каде што се одржува самитот на лидерите за климатски промени – COP28.
„Имавме важни средби. Разговарав со Шарл Мишел и со претседателите на Унгарија, Полска, Белорусија, како и со луѓе од ММФ“, рече Вучиќ додавајќи дека сите разговори се од посебно значење за Србија.
„За да се решат сите проблеми, мора да има ред во меѓународните односи“, додаде тој.
„Вечерва, имаме средба со шеикот Мухамед бин Зајед, што е важно. Разговарав и со (претсдателот на Белорусија) Лукашенко. Реков дека кога ќе завршат изборите, треба да најдеме датум за нашите средби. Разговаравме за нашите односи, за ситуацијата во Украина, Александер го знае тоа многу подобро од мене“, додаде тој.
Вучиќ најави дека италијанската премиерка, Џорџа Мелони, за помалку од два дена доаѓа во Белград.
Во Дубаи се одржува лидерскиот самит за климатски промени – COP28.
Вучиќ претходно се сретна со многубројни официјални лица.
„Мораме да го признаеме Косово за Србите да излезат на избори. Сите во Европа го знаат тоа и добро е што ќе реагираат, но ние немаме многу од таа реакција. Курти не сака да им дозволи на Србите, тоа е природно, а Западот секогаш ќе ни кажува дека нема доволно можности да изврши притисок врз Аљбин Курти“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Бебе најдено во контејнер во близина на Загреб
Новородено бебе кое синоќа беше пронајдено во Запрешич кај Загреб завиткано во ќебе и фрлено во контејнер е надвор од животна опасност, потврдија за „Индекс“ од загрепската полиција.
Полицијата пријавата ја добила околу 23 часот. Новороденчето е пренесено во болница во Загреб.
„Новороденчето било донесено во КБСД околу полноќ. Тој е во добра физичка состојба, со редовни витални функции и без знаци на надворешни повреди“, велат од болницата.
Според првите информации, на местото каде што е пронајдено бебето имало и 15-годишно дете, кое побарало помош од минувачите, но полицијата ја демантираше оваа информација.
Полицијата се уште го истражува случајот и продолжува со утврдување на околностите и идентитетот на мајката.
Регион
На Порфириj забранет влез во Косово, Патријархот: Таа врата ќе ја отвори самиот Бог
Власта во Приштина им забрани на поглаварот на Српската православна црква (СПЦ), патријархот Порфирије и на седумте владици кои го придружуваат да влезат во Косово, каде за утре е закажан состанок на советот на СПЦ во Пеќската патријаршија.
Патријархот требаше да пристигне во Косово во текот на попладневните часови, но пред да пристигне на преминот Мердаре од Приштина, стигна забрана во која се наведува дека поглаварот на СПЦ не може да влезе во Косово, соопшти Канцеларијата за Косово на Владата на Србија.
Пеќската патријаршија од средината на 14 век е историски трон на поглаварот на Српската православна црква и традиционално духовно седиште, а се наоѓа на списокот на културни добра под заштита на УНЕСКО.
Директорот на Канцеларијата Петар Петковиќ рече дека, во согласност со сите протоколи, испратиле соопштение до Приштина за плановите на поглаварот на СПЦ, но „наспроти сите договори, косовскиот премиер Албин Курти му ја ускратил можноста на патријархот да присуствува на првиот ден од Соборот на СПЦ и да биде поткрепа и потпора за својот народ и верниците“.
Порфириј во писмена изјава за медиумите најави дека „како српски патријарх, како граѓанин и како верник“ знае и порача „дека самиот Бог порано или подоцна ќе ја отвори таа врата“.
„Оние кои ги затворија вратите на молитвениот дом прават зло прво на себе, а потоа на сите луѓе“, рече Порфириј.
Регион
Милановиќ му одговори на Додик: Хрватите од Втората светска војна излегоа на вистинската страна
Хрватскиот претседател Зоран Милановиќ се огласи во врска со тврдењата на Милорад Додик дека хрватскиот народ е колективно виновен за усташките злосторства. „Има многу малку припадници на хрватската нација кои не се солидаризираа со злосторствата на усташкиот режим“, изјави вчера Додик од Доња Градина, каде што се одржа комеморацијата за жртвите во концентрациониот логор Јасеновац.
Додик ја повтори спорната бројка од 700.000 убиени во Јасеновац, посочувајќи дека во Хрватска „сто години ги остреле секири“ за да почнат да убиваат Срби во 1941 година. Тој најави дека во Доња Градина, Србија и Република Српска ќе градат сопствен споменик на жртвите од Јасеновац со цел „да не се ограничи“ начинот на кој во иднина ќе го одбележуваат.
„Претседателот на Република Хрватска, Зоран Милановиќ, изјавите на лидерот на српскиот народ во БиХ, Милорад Додик, во Доња Градина, на комеморацијата на жртвите од усташкиот логор Јасеновац ги смета за неприфатливи и пред се невистинити.
Милорад Додик, покрај повторената невистина за бројот на жртвите во Јасеновац, рече дека „има многу малку припадници на хрватската нација кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ.
Ваквите матрици само им штетат на интересите на Хрватите и Србите и во Хрватска и во БиХ. Хрватскиот народ излезе од Втората светска војна на вистинската страна на историјата, на победничката страна. Секое различно толкување на историјата, вклучувајќи го и гореспоменатото на Додик, претставува грубо фалсификување на вистината“, се наведува во одговорот на Милановиќ.