Регион
Вучиќ: Секој ден може да дојде до ескалација, Курти нема да престане
Секој ден може да дојде до ескалација, Курти нема да престане, рече српскиот претседател, Александар Вучиќ, во емисија на ТВ Прва.
„Мило ми е што луѓето во Србија се задоволни што понекогаш може да се видат резултатите од одговорната политика. Но, не сум оптимист. Пред ова емисија пет советници ми рекоа да не бидам пргав, не биди песимист, но јас ги гледам работите поинаку“, рече Вучиќ.
Конфликтот го почна полицијата на таканареченото Косово, а не НАТО, рече српскиот претседател.
„Сите знаат дека Курти е виновен и тоа не е спорно, нема што да кријам, тој знае дека што и да направи Американците ќе бидат за зачувување на таканаречената независност на Косово. И кога ќе прашате што се случува со Заедницата на српските општини (ЗСО), тие велат дека треба да се направи, нема што да се направи. Тоа е потпишано. Секој ден може да ескалира. Затоа што Курти фантазира за војна и сонува да биде Зеленски. Сакаат НАТО да влезе во конфликт со Србија и не е во наш интерес да војуваме“, рече тој.
Вучиќ кажа дека разговорот со Шолц и Макрон бил многу тежок и дека бил многу остар.
„Не сум оптимист, ни претстојат тешки денови. Подготвени сме да разговараме и да деескалираме“, изјави Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Опсадна состојба во Подгорица откако Турци со нож повредија млад човек
Жителите на подгоричката населба Забјело се собраа синоќа на протест откако група турски државјани нападнаа и избодоа еден нивен сограѓанин претходната ноќ. Во исто време, црногорската полиција спроведе рации и приведе 45 турски државјани.
Полицијата досега идентификуваше и приведе двајца турски државјани кои се поврзани со синоќешното ранување на жителот на Подгорица, М.Ј. со ладно оружје.
Како што објавија медиумите во Подгорица, група турски државјани викендов нападнале група жители на Подгорица, а еден од младите мажи од Подгорица добил седум убодни рани со нож.
Насилство во Подгорица
Во официјалното соопштение на црногорската полиција е наведено дека синоќа, половина час по полноќ, дошло до нарушување на јавниот ред и мир со тепачка во која учествувале неколку лица, а во која едно лице се здобило со телесни повреди во градите и рацете.
Црногорските медиуми претходно објавија дека во подгоричката населба Забјело, каде што се спроведуваа рациите, владеела состојба на опсада, додека од друга страна, револтирани од чинот на насилство, бројни жители на населбата се собрале и постојано извикувале навредливи слогани против Турците.
Голем број полицајци и инспектори биле на местото на настанот, а контролирани биле и неколку локации во тој дел од црногорската престолнина.
Медиумите, исто така, објавија дека тројца турски државјани дури и се забарикадирале во казино откако, според очевидци, група мештани се обиделе да се пресметаат со нив. Откако ги извеле од казиното, полицијата привела двајца од нив, а се сомнева дека еден од нив бил вмешан во нападот.
фото: принтскрин
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.

