Регион
„Го гушнав и го изнесов надвор“ – млада девојка херојски спасила момче од стан полн со чад во Риjека, случајно се нашла на улицата

Настан кој ја враќа вербата во несебичните луѓе се случи во четвртокот попладне во Риjека. Во стан во строгиот центар на градот се одвивала вистинска драма и борба за живот, кога девојка (21), случаен минувач спасила 4 ипол годишно момче од стан полн со густ чад. Причина за густиот чад, кој прерасна во пожар во станот на вториот кат од зградата, е запален шпорет.
Доротеа Орландини е името на девојката која го спасила непознатото момче.
Орландини за „ТВ Дневник Нова“ изјави дека се’ уште не е свесна за се што се случило, но оти е горда на себе, пренесува „Дневник.хр“.
„Се’ уште сум потресенa, немам чувство дека сум спасилa нечиј живот. Многу сум горда на себе што така реагирав“, вели таа.
Случајно се нашла на местото на настанот.
„Тргнав од работа, беше околу 16:30 часот. Случајно поминав и слушнав извици: ‘мамо, мамо’. Мислев дека се деца кои си играат во маало. Нешто ми велеше да се свртам“ опиша Орландини.
Се свртела и забележала двајца возрасни како му викаат на момчето да биде покрај прозорецот.
„Погледнав нагоре и она што го видов беше огромен чад како излегува од прозорецот. Влетав во зградата без оглед на исходот. Ја скршив вратата. Фала му на Бога, се’ помина одлично“, опишува Орландини.
Раскажа дека го нашла момчето, го гушнала и го извадила од зградата, на чист воздух.
Самата вели дека не знае од каде добила толку сила за да ја скрши вратата, а и пожарникарите биле изненадени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.