Регион
Градоначалник во БиХ организирал веселба со јагне на ражен во време на пандемија

Полицијата во Босна и Херцеговина денеска имала полни раце работа поради веселбата која за време на коронакризата ја организирал градоначалникот на Босански Петровац, Дејан Прошиќ.
Од Министерството за внатрешни работи на Унско-санскиот кантон за порталот „Кликс“ потврдиле дека Прошиќ, додека се на сила мерките против Ковид-19, собрал повеќе гости за кои организирал печење на јагне.
„Имало 11 лица и прекршување на сите наредби на Федералниот штаб за цивилна заштита. Значи собрани во група биле над пет лица, луѓето ниту носеле маски, ниту го почитувале физичкото растојание“, соопштиле од министерството.
Како што пишува „Кликс“, на забавата биле и шефот на регионалниот штаб за цивилна заштита и командантот на противпожарната бригада, а на сите присутни лица им се изречени законски пропишаните казни.
И претставници на локалните власти во Биелина изминативе денови не се грижеле многу за пропишаните мерки за забрана на собири, физичко растојание и носење маски, пишува порталот „Килкс“.
Според информациите, општинските функционери се забавувале во близина на новата затворска зграда кај фабриката „Елвако“ во Биелина без да ги почитуваат мерките за заштита од Ковид-19.
Причината за ваквата веселба во време на пандемија не е позната, освен дека на неа присуствувале локални моќници и ним блиски луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Петгодишниот брат ја застрелал малолетната сестра со пушка: децата си играле во семејната куќа во БиХ

Викендов се случил инцидент во БиХ кога петгодишен брат ја застрелал својата малолетна сестра (4) за време на игра.
Обвинителството потврди за Hercegovina.info дека дежурниот обвинител, Јосип Аничиќ, бил информиран за инцидентот и наредил да се спроведе истрага на местото на инцидентот.
– Според моментално достапните информации, братот (5) и сестрата (4) си играле во семејната куќа кога дошло до пукање од воздушна пушка – изјави портпаролката на обвинителството, Петруњела Матијевиќ, за Hercegovina.info, пренесува Srpskainfo.
Таа додаде дека полицајците, по наредба на обвинителот, се во фаза на испрашување на сведоците, со цел да утврдат како пушката се нашла на дофат на децата и кој ја оставил таму.
Според информации на медиумите во регионот, девојчето е добро и стабилно и без сериозни последици.
Фото: Принтскрин
Регион
Поранешниот хрватски премиер, Иво Санадер, излезе од затвор

Иво Санадер, поранешен лидер на ХДЗ и премиер на Хрватска, е ослободен од затвор пред да ја отслужи целата казна. Санадер беше условно ослободен од затворот Липовица откако отслужи две третини од казната, објавија хрватските медиуми.
Како што објасни адвокатот Драган Црнковиќ, исполнети се сите законски услови за поранешниот премиер да биде ослободен. Тој рече дека покрај неговата возраст, една од причините наведени во барањето за ослободување е неговата здравствена состојба, но тоа не се главните причини, забележува тој, туку и фактот дека тој го почитува член 59 од Кривичниот законик. Тој истакнува дека на 15 август 2023 година отслужил половина од казната.
Ќе биде должен да се јавува во полиција секој месец и нема да му биде дозволено да го менува местото на живеење и привременото живеалиште.
На прашањето на новинарите дали тоа значи дека ќе има ограничено движење, тој одговори негативно.
„Не знам, може да го запали автомобилот, да оди во Сплит. Само ако има намера трајно да го промени местото на живеење и живеалиштето, мора да добие дозвола“, објасни адвокатот Црнковиќ.
Фото: ЕПА
Регион
Пленковиќ: Хрватска не тргува со оружје и воена опрема со Израел

Хрватскиот премиер, Андреј Пленковиќ, денеска негираше дека Хрватска тргува со оружје со Израел, одговарајќи на барањето на хрватскиот претседател Зоран Милановиќ до владата да престане да тргува со оружје и воена опрема со таа земја.
Кога беше замолен да ја коментира изјавата на Милановиќ, Пленковиќ рече дека „нема трговија со оружје и воена опрема со Израел“, пренесува ХИНА.
Хрватското Министерство за одбрана во саботата објави дека официјален Загреб во моментов не набавува оружје за хрватската армија од Израел.