Претседателот на Советот на ромското национално малцинство на жупанија Меѓумурје, Матијаш Дидо Оршуш е потресен и во шок по синоќешната трагедија во ромската населба Куршанец, во Хрватска, каде три мали деца загинаа во пожар во семејна куќа.

„За жал, изгубивме три мали деца во пожар во куќата каде што спиеја родителите. Имаше пожар на скалите во куќата, тие спиеја горе. Пожарникарите не можеа да помогнат и да ги спасат, а ниту локалното население не можеше да помогне бидејќи огнот гореше толку силно и не можеа да направат ништо“, рече Оршуш за хрватските медиуми.

На снимката објавена од хрватските медиуми се гледа како пламенот пробива низ покривот на куќата, додека луѓето собрани околу куќата врескаат за помош.

Тој истакна дека ова е добро семејство. „Таткото работи во Виндија, планираа да купат куќа, за што зборувавме пред неколку дена, а сега се случи. Тие не се корисници на социјална помош“, истакна Оршуш.

Секаква можна помош на несреќното семејство вети и градоначалничката на Чаковец, Љерка Цивидини.

„Кога се случуваат вакви трагедии, едноставно остануваме без зборови. Нашите мисли и молитви се со семејството на загинатите деца и изразуваме длабоко сочувство до сите што ги познаваа и до целата заедница“, рече Цивидини.

Таа најави дека Градот Чаковец ќе обезбеди „секаква помош“, имајќи предвид дека едното дете посетувало основно училиште, а другото одело во предучилишната установа.

„Ќе се обезбеди секаква психолошка помош“, најави градоначалникот на Чаковец.

Пожарот во кој загинаа три деца, избувнал ноќта четврток кон петок, на поткровјето на куќа на улицата „Меѓимурска“, од каде успеале да побегнат 29-годишен маж и 25-годишна жена кои носеле дете на раце. Повредената жена (25) и детето се пренесени во Жупаниската болница Чаковец, каде што им се констатирани полесни повреди во пожарот.

Се уште се води увид на лице место, по што ќе се знаат сите детали за оваа трагедија.

Три деца загинаа во страотниот пожар што синоќа избувна во ромската населба Куршанец кај Чаковец. Мајката и најмалото дете успеале да побегнат. Мештаните се потресени.

„Куќата изгоре, трите деца загинаа. Се изгоре. За жал, немаше спас. Пожарникарите дојдоа брзо, брзата помош и полицијата. За жал, сè изгоре брзо, пожарникарите не можеа да направат ништо повеќе“, изјави за весникот „Меѓимурје“, Матјаш Дидо Оршуш, претседател на ромската заедница во Меѓумурје.

„Скокаа низ прозорците. Спиеја кога тоа се случи. Мајката успеа да спаси едно дете. Во близина немаше хидрант и на тоа предупредуваме со години. Немаше ниту струја, вода”, додал тој.

Еден од шокираните жители кој синоќа се нашол на местото на пожарот за 24 часа изјавил дека децата биле на вториот кат, каде имало дрвени скали.

„Ова е голема трагедија, страшна. Утрово сè беше обвиено во црно. На таа улица нема хидрант, дојдоа пожарникарите, но немаше многу да се спаси“, рече тој.

Меѓимурскиот жупан Матија Посавец беше меѓу првите кои упатија сочувство.

„Не паметиме ваква трагедија во Меѓумурје. Длабоко сум потресен и се надевам дека родителите ќе најдат внатрешна сила да ја надминат неизмерната болка“, изјавил тој.

Двегодишно дете и неговата мајка (32) загинаа синоќа од патнички воз во близина на железничката станица Запоље кај Нова Градишка во Хрватска, извести утринава полициската управа Брод-Посавина.

Половина час по полноќ, на јужната пруга кај железничката станица Запоље, патнички воз налетал на жена и дете, кои починале на лице место, извести хрватската полиција, пренесува Хина.

Во текот на истрагата железничкиот сообраќај е во прекин, а за несреќата е известено Жупаниското државно обвинителство во Славонски Брод.

Уште една трагедија утрово ја погоди Хрватска кога три деца загинаа во пожар во ромската населба Куршанец кај Чаковец. Според хрватскиот Индекс, жртвите се родени во 2018, 2016 и 2022 година. Спасено е новороденче.

Причината за пожарот се уште се утврдува. Посебно се истражува каде се наоѓале родителите во моментот на трагедијата.