Регион
Грција ги отвори пристаништата за крузери

Грција отвори шест главни пристаништа за крузери, за прв пат во оваа туристичка сезона погодена од пандемијата на коронавирус.
Во писмото до Меѓународното здружение за крстарење и трите главни оператори за крстарење, што го испрати грчкиот министер за туризам, Хари Теохарис, се вели дека пристаништата Пиреја, Родос, Хераклион, Волос, Крф и Катаколон се подготвени повторно да ги примат патниците од крстаречките бродови.
Бидејќи туризмот сочинува една четвртина од нејзината економија, Грција повторно се обидува да го заживее секторот, истакнувајќи дека земјата успеала да се справи добро со пандемијата.
Во Грција, со население од 10,5 милиони жители, досега се регистрирани речиси 4.500 случаи на коронавирус, а починале 206 лица.
Земјата ги отвори своите копнени граници во јуни, а на 1 јули ги отвори и аеродромите, претежно за летови од Европа.
Оттогаш, од 1,3 милиони туристи кои влегле во земјата, 340 се тестирале позитивно за Ковид-19.
Грција ги заостри епидемиолошките мерки за борба против пандемијата во саботата и воведе задолжително носење маски на сите затворени јавни места. Посети во болници и старечки домови се дозволени само во исклучителни случаи, а во кафулињата може да има луѓе колку што има столчиња.
Гостите кои стојат, дури и ако се надвор, не смеат да бидат послужени, а казната за непочитување на донесените мерки е 150 евра.
Полицијата проверува дали луѓето се придржуваат кон овие мерки и ја следат состојбата со јавниот превоз.
Во Грција вчера беа регистрирани 78 нови случаи на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.