Регион
Павлопулос го распушти грчкиот парламент, избори на 7 јули

Грчкиот претседател Прокопис Павлопулос го прифати барањето на премиерот Алексис Ципрас за брзи предвремени избори и го распушти грчкиот парламент, со што нема препреки за одржувањето на изборите во Грција на 7 јули.
Ципрас побара предвремени избори откако неговата партија, Сириза, претрпе огромен пораз и на европските и на локалните избори.
Тој претходно вети национални избори на крајот од неговиот мандат во октомври, но по маргината од 9 отсто меѓу Сириза и конзервативната партија Нова демократија на изборите на ЕУ во мај, тој одлучи да дејствува порано.
Ципрас рече дека одлуката има за цел да спречи евентуална штета врз грчката економија предизвикана од неколкумесечна кампања.
„Тука сме денес, на почетокот на изборната кампања, и за првпат по десет години ја имаме привилегијата да разговараме за нашата сопствена програма за наредните четири години“, Ципрас му рече Павлопулос во претседателската палата во Атина.
Ова е првпат по враќањето на демократијата во Грција во 1974 година националните избори да се одржат во јули, во екот на туристичката сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.