Регион
Грчки министер: Ако мигрантите одбијат да се преселат во нов камп, ќе употребиме сила
Грчкиот министер за миграција, Нотис Митарачи, вели дека владата ќе употреби сила, доколку е потребно, за да ги пресели мигрантите во новиот камп на Лезбос, што тие го одбиваат.
Минатата недела избувна пожар во кампот „Морија“ на Лезбос, во кој беа сместени 12.000 мигранти.
Многу мигранти сега одбиваат да ги напуштат блиските патишта, каде што престојуваат една недела, пишува „Ројтерс“.
Митарачи рече дека ќе продолжат напорите за преместување на мигрантите на доброволна основа, со помош на владини преведувачи и памфлети што им се делат на барателите на азил.
„Ако ова не може да се постигне преку разговор, тогаш ќе треба да се користи полицијата. Нивна обврска е да се преселат на ново место“, рече тој за грчката телевизија „Мега“.
Сепак, илјадници мигранти одбиваат да се преселат во новиот објект што е наменет за нив барајќи да им биде дозволено да го напуштат грчкиот остров.
Досега се сместени околу 1.000 мигранти во привремениот камп „Кара Тепе“ со 5.000 легла.
На мигрантите им беше дадена храна и вода, како и тестови на корона, со кои е потврдено присуство на коронавирусот кај најмалку 25 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин