Регион
Некои од осомничените за копање на мафијашкиот тунел во Подгорица избегале преку граница

Некои од осомничените за копање на тунелот до депото на Вишиот суд во Подгорица избегале на 11 септември во автобус што сообраќал на релација Подгорица – Сараево преку граничниот премин Шчепан Поље, пишува подгорички „Вјести“. Порталот наведува дека други ја поминале границата кај Добраково.
Дека побегнале преку граница, утврдиле Обвинителството и полицијата при истрагата за кражбата на докази од депото на Вишиот суд во Подгорица, откриена на 11 септември во утринските часови.
🔴Vlada Crne Gore objavila je fotografije tunela koji vodi do Višeg suda.
🔴Tunel koji vodi do depoa Višeg suda vodi iz stana koji se nalazi u zgradi preko puta u pješačkom dijelu Njegoševe ulice.#podgorica #visisud #crnagora #rtcg #hronikacg pic.twitter.com/wfBevQasZv
— RTCG (@RTCGme) September 13, 2023
На 18 септември, црногорскиот министер за внатрешни работи, Филип Аџиќ, одржа прес-конференција на која зборуваше за деталите при апсењето и за локацијата на оние што учествуваа во копањето на тунелот до Вишиот суд во Подгорица.
Аџиќ рече дека во операцијата копање тунел учествувале српските државјани Милан Марковиќ (1970), Вељко Марковиќ (1991), Дејан Јовановиќ (1993), Владимир Ервиќ (1991). За време на конференцијата министерот спомна дека тоа е дело на мафијата.
„Тоа е еден од најголемите удари врз институциите на системот и чудно е што сме изненадени што такви работи постојат во Црна Гора кога знаеме дека на чело на судството имало луѓе што организирале криминални групи и дека во рамките на Полициската управа имаме неколку службеници што учествувале во криминални активности“, рече Аџиќ, пренесува РТЦГ.
„Вјести“ пишува дека сè уште не е јасно кој од четворицата осомничени на кој граничен премин преминал. Црногорскиот министер рече дека во овој чин учествувале уште најмалку пет лица.
„Не го копаа сите тунелот. Некои беа логистика, а други даваа друг вид помош“, рече Аџиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Регион
Локални избори во Заечар и Косјериќ

Денеска во Заечар и Косјериќ се одржуваат редовни локални избори, на кои се избираат советници во општинските совети на овие две локални самоуправи. Гласачките места се отворија утрово во 7:00 часот, а се затворија во 20:00 часот.
Осум изборни листи учествуваат на изборите во Заечар и три во Косјериќ. Изборниот молк ќе трае до затворањето на гласачките места.
Министерот за внатрешни работи на Србија, Ивица Дачиќ, изјави дека нарушувањето на изборите е кривично дело и дека полицијата ќе реагира.
– Полицијата мора да си ја врши својата работа. Во кривичниот законик постои кривично дело попречување на избори. Доколку некој крши гласачки кутии или им попречува на луѓето да гласаат, тоа нема да биде дозволено – рече Дачиќ.
Општина Косјериќ има околу 10.000 жители, а право на глас имаат 8.897 гласачи.
Според податоците на Градската изборна комисија, вкупниот број на гласачи на територијата на Заечар е 47.357.
Прелиминарните резултати се очекуваат вечерва.
Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.