Регион
Државјаните на Косово веќе може да патуваат во ЕУ без визи
Вчера, стапи во сила долгоочекуваното укинување на визите за граѓаните на Косово при влез во Европската Унија, јавува агенцијата „Франс прес“.
Безвизниот режим стапи во сила на полноќ на новогодишната ноќ. Лицата од Косово сега може да патуваат во земјите од шенген-зоната без визи и може да поминат 90 дена во половина година.
Реформата во Приштина се толкува како уште еден чекор кон целосно признавање на државата и кон амбицијата, објавена во 2008 година, за влез во Европската Унија. Кипар, Грција, Романија, Шпанија и Словачка сè уште не го признаа Косово.
„Ова е големо олеснување, чувството е добро“, изјави претприемачот Рушит Сопи за агенцијата „Франс прес“ пред да се качи на летот од Приштина за Виена.
Тој беше еден од дваесетте победници на квизот организиран од владата за да се подигне свеста за тоа што претставува укинувањето на визите. 48-годишниот сопственик на компанија, која произведува врати и прозорци, редовно лета на работа во ЕУ. „Секоја виза ме чини 300 евра. Последен пат кога го сменив пасошот, пресметав дека само визите за ЕУ ме чинат две и пол илјади евра“, рече тој.
Европските амбасади во Приштина, особено оние што се изложени на голем притисок за издавање визи, како што е германскиот конзулат, се подготвија за повеќе работа. Германскиот амбасадор Јорн Роде пред неколку дена лично им ги издаде последните визи на Косовците нагласувајќи дека таа ера, конечно, завршува.
Тој ги повика лицата од Косово да ја посетат неговата земја ова лето кога се одржува Европското фудбалско првенство. Косово го дочека 1 јануари со голем ентузијазам сметајќи го како историски ден бидејќи нивната земја се приближи до Унијата. Но, во исто време Брисел и Приштина се исто така критикувани за толку долгото одложување на визниот режим.
Косово, земја со приближно 1,8 милион жители, е последната од шесте земји од Западен Балкан на кои им е одобрено безвизно патување. „Европа досега нѐ третира како граѓани од втор ред“, вели 61-годишниот инженер Агим Госалци.
„И нашите политичари се одговорни за толку долгото чекање бидејќи еден од условите за визна либерализација беше борбата против корупцијата и организираниот криминал“, рече 33-годишната преведувачка Аделина Касоли. Шефот за надворешна политика на ЕУ, Жозеп Борел, зборуваше за историска одлука.
„Тоа носи значителни придобивки за Косово и ЕУ“, напиша тој на платформата X. Со просечна плата од речиси 400 евра и невработеност кај младите од 20 проценти, Косово е меѓу најсиромашните европски земји. Во последните два месеца владата во Приштина води кампања со која ги повикува жителите да не ја злоупотребуваат слободата на движење за да бараат вработување во Унијата.
Премиерот Албин Курти лично ја водеше кампањата патувајќи во земјата и презентирајќи ги придобивките од новиот режим. „Овој ден е важен. Укината е голема неправда и стекнато големо право“, им рече тој на победниците на квизот на аеродромот во Приштина.
Тој ги повика државјаните на Косово „да ги почитуваат критериумите и каде и да патуваат, да не забораваат дека нивниот дом е Косово“. Неговиот заменик Бесник Бислими, задолжен за европски прашања, предупреди на злоупотреби на режимот, што може да доведат до рестриктивни мерки на ЕУ, штетни за целата земја.
Многумина стравуваат дека ќе има уште поголем недостиг од работници. Институтот „Риинвест“ во Приштина предвидува дека околу 18 отсто од вработените во приватниот сектор ќе ги напуштат своите работни места и ќе се обидат да емигрираат веќе оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Комбе излета од автопат во Србија: едно дете загина, седум се повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива
Регион
(Видео) Тензично во Подгорица: приведени осум лица поради напади врз Турци
Црногорската полиција објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Исто така, беше кажано дека полицијата ќе користи камери и беспилотни летала за снимање на јавни места со цел документирање кривични дела, а дека вчера во Подгорица се преземени 55 мерки против странци.
Според соопштението, полицијата го идентификувала и по наредба на државниот обвинител во Вишото државно обвинителство во Подгорица, го уапсила П. М. (35) од Подгорица.
Полицијата објави дека постои сомневање дека на 26 октомври, преку своите профили на социјалните мрежи „Инстаграм“ и „Фејсбук“, објавил заканувачка и навредлива порака упатена кон турските граѓани што живеат во Црна Гора, со која поттикнува омраза и нетрпеливост на национална и верска основа.
Geniş Özet: Karadağ’da “Türkü Öldür” sloganları
Karadağ’ın başkenti Podgorica’da geçtiğimiz hafta sonu yaşanan bıçaklama olayının ardından Türk vatandaşlara yönelik saldırılar gerçekleşti. 45 Türk vatandaşı gözaltına alınırken, 8 Türk vatandaşı da sınırdışı edildi. Karadağ… pic.twitter.com/9181ixW80j
— Selâmi Haktan (@slmhktn) October 28, 2025
Поради сомнение дека сториле кривично дело насилно однесување на штета на тројца турски државјани, по наредба на државниот обвинител во Основното државно обвинителство во Подгорица, уапсени се Б. С. (26), Ф. Ѓ. (25) и М. П. (31) од Подгорица.
„Се сомнева дека тие физички нападнале турски државјани во населбата Забјело удирајќи ги со тупаници, со нозе и користејќи палки, а кои на овој начин добиле телесни повреди. При претресот од нивното возило се пронајдени и одземени факли и фантомки“, се вели во соопштението на Полициската управа.
Додаваат дека Т. Б. (24), Б. Б. (22) и Ф. Ј. (18) се уапсени за сторен прекршок од член 7 од Законот за јавниот ред и мир на штета на турски државјанин. Тие се осомничени дека синоќа физички нападнале турски државјанин во населбата Забјело.
Полицијата соопшти дека службеници на Секторот за гранична полиција – инспектори за странци, презеле 55 мерки против странски државјани.
„За време на активностите спроведени на територијата на Подгорица, издадени се 30 прекршочни налози, две лица се насилно отстранети, две се протерани од земјата, а на тројца странски државјани им е откажан престојот“, посочи црногорската полиција.
Пред два дена во подгоричката населба Забјело дојде до физичка пресметка пред угостителски објект, во која едно лице од Подгорица, М. Ј., беше повредено со нож. Полицијата идентификува и приведе две лица – еден турски и еден азербејџански државјанин – поврзани со случајот.
По нападот, следуваа масовни полициски контроли и приведувања – околу 45 турски и азербејџански државјани беа задржани во рамките на проверка на престој и документи, што предизвика реакции и во Турција од страна на државниот врв.
Во вечерните часови некои од граѓаните на Подгорица излегоа на улиците, при што беа забележани ксенофобични скандирања, оштетување возила и дополнителни полициски интервенции.
Регион
(Видео) Се урна дел од таван на пазар во Загреб
Дел од таванот се урна во хала на пазарот „Долац“ во Загреб. Пред влезот има редица муштерии, но на вратата е истакнат предупредувачки знак, а работниците објаснуваат дека халата денес е затворена.
Според информациите на хрватските медиуми, таванот се урнал утрово во левиот дел од пазарот, а влезот е блокиран додека не заврши поправката.
Работниците велат дека штетата треба да се санира до утре.

