Регион
(Видео) Евакуирани 114 лица од сплавот што потона во Белград, очевидци раскажуваат: „мостот почна да пука, луѓето паѓаа во водата“
Нема мртви и повредени на сплавот „Картел“, кој почна да тоне нешто по полноќ кога на него се наоѓаа стотина млади луѓе, изјави началникот на Секторот за вонредни состојби во Србија, Лука Чаушиќ.
Чаушиќ рече дека 114 лица биле евакуирани од припадници на Одделот за вонредни состојби.
Чаушиќ не можеше да го каже точниот број на луѓе кои биле на сплавот во моментот на несреќата, наведувајќи дека точните проценки ќе се знаат во наредниот период.
Тој додаде дека синоќа околу 1 и пол било пријавено дека сплавот „Картел“ почнал да тоне на реката Сава и дека има неколку стотици луѓе во водата.
Со молскавична акција на сите, како што нагласи, почнала евакуацијата.
„Од страна на нашите припадници се евакуирани 114 лица. Најважно е што на овој настан нема повредени или загинати лица“, рече Чаушиќ.
View this post on Instagram
За Танјуг синоќа во итната помош рекле дека на сплавот имало голем број луѓе, претежно млади и малолетни лица во алкохолизирана состојба, кои се обидувале да се спасат скокајќи во водата.
Според дежурниот лекар, се започнало со дојава за тепачка на сплав. Тој изјави и дека околу 02:00 часот во Ургентниот центар биле пренесени 17-годишно момче и девојка. На токсиколошкиот оддел се лекувани десет лица во алкохолизирана состојба.
Еден од гостите кој случајно се нашол на сплавот во моментот на потонувањето раскажал како се одвивала целата драма. Според него, на се претходел инцидент меѓу гостите и обезбедувањето.
Тој за „Блиц“ изјави дека во еден момент обезбедувањето почнало да исфрла луѓе и дека поголема група од нив почнала да им се спротивставува, кога дошло до тепачката.
„Одеднаш, маса луѓе почна да се движи. Тие се симнуваа од сплавот, се туркаа, врескаа… Сите дојдоа до мостот што ги поврзува сплавот и брегот. Мостот почна да пука, а сплавот тонеш. , а сите што истрчаа од сплавот паднаа во водата“, вели овој сведок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Загреб падна замрзнат дожд
Поради најавените ниски температури и замрзнат дожд, за кои Државниот хидрометеоролошки завод издаде портокалово предупредување, постои ризик од формирање мраз на тротоарите и други површини во Загреб, објави Градот Загреб, пренесува Индекс.хр.
Градот известува дека возилата на Зимската служба на Загребските патишта превентивно ги посолуваат патиштата во областа на Загреб.
Градот Загреб апелира до сите учесници во сообраќајот, возачи и пешаци, да ги прилагодат своите движења на тешките и потенцијално опасни временски услови. На возачите им се препорачува да избегнуваат непотребно патување, да возат побавно со поголем растојание помеѓу возилата, да избегнуваат нагло сопирање и забрзување и да користат зимска опрема и соодветни гуми. Посебна претпазливост е потребна на мостовите, надвозниците и кривините.
Пешаците се повикуваат да бидат дополнително внимателни, да се движат побавно, да носат соодветни обувки и да избегнуваат замрзнати површини секогаш кога е можно.
фото/депозитфотос
Регион
Поплави во Драч: евакуирани 180 лица, поплавени околу 800 домови
Министерот за одбрана на Албанија Пиро Венгу го свика Комитетот за цивилни вонредни ситуации за регионот Драч поради поплавите, каде состојбата е најкритична. Според него, поплавени се околу 800 домови, а 180 лица се евакуирани.
Венгу информира дека сите надлежни структури се на терен и дека состојбата континуирано се следи, додека опасноста сè уште не е помината. Институтот за геолошки науки предупреди дека и денеска се очекуваат интензивни врнежи од дожд, со можност за дополнително зголемување на поплавите.
Фото: илустрација (ЕПА)
Регион
Обилните дождови ги затворија патиштата во Црна Гора, се заканува раст на Скадарското Езеро
Неколку патишта беа затворени низ Црна Гора денес поради обилни врнежи од дожд во изминатите 24 часа. Водата се заканува и на бројни домови, а се очекува нивото на водата на Скадарското Езеро да се зголеми во текот на ноќта кон среда.
Црногорското Министерство за внатрешни работи објави дека последиците од обилните врнежи од дожд се регистрирани во општините Никшиќ, Даниловград, Мојковац, Бијело Поље, Улцињ, Плевља, Подгорица, Колашин и Беране.
„Поради лизгање на земјиштето и излевање на реките, сообраќајот е прекинат на неколку патни правци“, се вели во соопштението на црногорското Министерство за внатрешни работи.
Според најновите информации од 15 часот, нивото на водата на сите реки се намалува, освен на реката Зета и Скадарското Езеро, кое Црна Гора го дели со Албанија. Околу две третини од ова езеро, најголемо на Балканот, ѝ припаѓа на Црна Гора, а една третина на Албанија.
Во текот на ноќта се очекува нивото на водата на Скадарското Езеро да се зголеми поради контролираното испуштање вода од хидроелектраните на реката Дрим, кое го спроведува албанската страна.
Албанскиот премиер Еди Рама претходно во вторник изјави дека, поради зголемениот проток на реката Дрим, започнале контролирани испуштања вода од хидроелектраните што би можело да доведе до ненадејно зголемување на нивото на Скадарското Езеро.

