Регион
Експертите во Црна Гора предупредуваат на опасноста од епидемија на морбили

Епидемијата на морбили во Црна Гора е вистинска, рече педијатарот Небојша Кавариќ и објасни дека во моментот има 90 деца родени во 2019 година што не се вакцинирани, пренесува РТЦГ.
Епидемиологот Сенад Бегиќ пред 4 години рече дека Црна Гора е на прагот на епидемија на мали сипаници затоа што и тогаш бројот на деца вакцинирани со ММР-вакцината беше мал.
„Во Црна Гора имаме речиси 7.000 новороденчиња годишно. На подрачјето на Подгорица покриеноста за ММР-вакцините за 2014 година е 90 проценти, во 2015 година – 88 проценти, во 2016 година – 77 проценти, во 2017 година – 61 процент, во 2018 година – 36 проценти, во 2019 година била 8 проценти во октомври и сега се зголеми на 11,5“, рече Кавариќ и додаде дека практично 90 проценти од популацијата на децата во 2019 година е невакцинирана.
„Доволно е едно дете да стигне до фаза кога е заразно, 4 дена пред појавата на морбили и 4 дена по закрепнувањето да пренесе, и ќе имаме епидемија на морбили“, истакна Кавариќ како гостин на утринската програма на Телевизијата на Црна Гора.
За тоа, додава тој, треба да се размислува сега кога немаме епидемија. За да не дојдеме во ситуација на епидемија, додава тој, треба да се вакцинираат 95 % од децата.
„Фактот дека веќе немаме епидемија е случајност. Сè уште имаме траги од колективен имунитет од претходните генерации, но најранливи се генерациите што не биле вакцинирани“, рече Кавариќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.