Регион
Ескобар: Србија мора да ја почитува границата со Република Српска

Заменик-помошникот државен секретар на САД и специјален претставник за Западен Балкан, Габриел Ескобар, даде целосна поддршка на евро-атлантските интеграции на Босна и Херцеговина, како и на целиот регион, односно на приклучувањето на земјите од овој дел на Европа кон НАТО и ЕУ.
Тој зборуваше за ситуацијата во регионот на онлајн-дискусија организирана од Атлантскиот совет.
Според него, земјите од Западен Балкан веќе се дел од евро-атлантското семејство, но потребно е да се забрза нивното вклучување во структурите на ЕУ и НАТО.
Тој смета дека доделувањето кандидатски статус за БиХ е позитивен сигнал, но дека е неопходно да се оди подалеку од симболиката. Сепак, тоа е задача на домашните политичари во Босна и Херцеговина.
Тој не ги истакна етничките поделби и национализмот како главен проблем, туку корупцијата. Тој дури смета дека етнонационализмот е само маска за корупција додавајќи дека, според него, националистичките партии се најлоши во овој поглед.
Како добра алатка ги оцени американските санкции и ставањето одредени политичари од Босна и Херцеговина на црната листа.
Тој рече и дека САД ќе ги поддржат сите иницијативи, кои вклучуваат соработка меѓу земјите, вклучително и отворениот Балкан. Зборувајќи за ова, тој рече дека Србија мора да ја почитува меѓународната граница со Република Српска, како и со Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Регион
Дел од натстрешник се урна во центарот на Белград

Во центарот на Белград, пред продавница за парфеми, се урна таванот на натстрешник, пишува „Н1 Србија“.
Ова, најверојатно, се случило во текот на ноќта, а жената што работи во продавницата за парфеми изјавила за „Н1“ дека сè било во ред во текот на денот.
Властите поставија црвена лента на која пишува „внимание, опасност“, така што на граѓаните сега им е забрането да минуваат во тој дел од улицата.
Делови од таванот се наоѓаат и на самото шеталиште, а дел од него сè уште виси.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.