Регион
„Еуроактив“: Бугарија профитираше со извоз на оружје во Киев преку посреднинци
![](https://makfax.com.mk/wp-content/uploads/2023/03/vojna-ukraina.jpg)
Бугарските производители на оружје извезле производи во вредност од милијарди долари во Украина користејќи трети страни како посредници, откри порталот „Еурактив“.
Претходно беше објавено дека поранешниот премиер Кирил Петков ја презеде одговорноста за шемата, која ги заобиколи владините противници на овие трансакции.
Според истражувањето, по избувнувањето на конфликтот во февруари 2022 година, бугарските производители забележале брз пораст на профитот, удвојувајќи ја продажбата минатата година.
Бугарија е главен производител на муниција компатибилна со советско дизајнираното оружје, кое Украина интензивно го користеше пред САД и нивните сојузници да достават алтернативи произведени од Западот.
Изворите на Еурактив наведуваат дека минатата година од Бугарија во Украина било пренесено оружје во вредност од најмалку една милијарда долари, главно преку Полска и Романија.
Порталот нагласува дека не се потпишани директни договори за оружје.
Поранешниот вршител на должноста министер за одбрана Велизар Шаламанов, кој е отворен поддржувач на испораката на оружје во Украина, изјави дека трансферот на оружјето се вршел преку странски шеми и бил финансиран со странски пари.
„Има програма со добро финансирање во Велика Британија, САД и Полска. Преку оваа програма се купува оружјето кое и е потребно на Украина, односно парите не се украински туку британски, американски, полски или европски. Се купува преку други фирми“, изјави тој за „Еурактив““.
Тајните испораки во јануари ги опиша германскиот весник „Велт“, кој заслугите им ги припиша на поранешниот бугарски премиер Кирил Петков и поранешниот министер за финансии Асен Василев. И двајцата дипломирале на Универзитетот Харвард и припаѓаат на истото политичко движење, кое го основаа заедно и е ориентирано кон НАТО.
„Проценуваме дека околу една третина од муницијата потребна на украинската армија дошла од Бугарија во раните фази на војната“, изјави тогаш Петков.
Премиерот постапи спротивно на јавното мислење, кое во голема мера се спротивстави на обезбедувањето голема помош за Украина поради загриженоста дека нивната земја ќе биде вовлечена во конфликтот, објави „Велт“.
Владата на премиерот Петков беше поддржана од коалиција од четири партии, а според германскиот весник тој работел зад грбот на социјалистите, односно партија – член на коалицијата која јавно се спротивстави на каква било испорака на оружје за Украина.
Петков ја загуби функцијата со гласање за доверба во јуни. Бугарскиот парламент не успеа да формира стабилна влада по предвремените избори во октомври и во моментов се подготвува за нови избори во април.
Софија го одобри својот прв официјален пакет воена помош за Киев во декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Фото) Силен земјотрес ја погоди Грција, луѓето на плажите во паника
![](https://makfax.com.mk/wp-content/uploads/2024/07/Screenshot-2024-07-06-203215.jpg)
Силен земјотрес со јачина од 4,9 степени според Рихтеровата скала ја погоди Грција.
Според првата снимка на Геодинамичкиот институт во Атина, земјотресот се случил во 20:34 часот, а неговиот епицентар се наоѓа на 10 километри југозападно од Андравида.
Фокусната длабочина на земјотресот била 14,1 км.
Потресот особено бил почувствуван во Илија, Ахаја и Закинтос.
Корисниците на социјалната мрежа „Х“ коментираат дека тресењето било толку силно, што било забележливо дури и на плажите.
„Некаде таму имаше 4.8 пред малку. Добро го слушнавме на плажата каде што сме“
Κάπου εκεί μέσα έκανε 4,8R πριν από λίγη ώρα. Τον ακούσαμε καλά και στην παραλία που είμαστε.#Σεισμος #Ηλεια #Κυλληνη pic.twitter.com/eNcjIRBQwb
— Romanos 🇬🇷 (@Mead_KDA) July 6, 2024
„Се слушна и на плажата во Пиргос…#земјотрес“
Ακούστηκε και στην παραλία στον Πύργο…#σεισμος
— Legian (@Legian28101878) July 6, 2024
„4.9 на плажата Вартоломеј во фокусот…“
4.9 στην παραλία του Βαρθολομιού το επίκεντρο…#σεισμος
— Chris Pro (@Chris__Pro) July 6, 2024
Засега нема пријави за штети или повредени.
Регион
Австријка се изненадила од цените во хрватски ресторан: аперол 12 евра, „поскап отколку во најскапиот германски град“
![](https://makfax.com.mk/wp-content/uploads/2024/07/Screenshot-2024-07-06-134551.jpg)
Австријка која отишла да ја посети Хрватска не можела да си поверува кога ја видела сметката во ресторан во Ровињ. Само за три Аперол Шприц морала да плати 36 евра, додека вкупната сметка била 437 евра.
Тоа значи дека цената на еден Аперол изнесува дури 12 евра.
Високите цени на Аперол Шприц неодамна предизвикаа гнев кај клиентите во Германија, па дури и во најскапиот град на таа земја – Минхен. Според t-online.de, на пример, Аперол чини „само“ 11,50 евра во луксузната шопинг улица Масимилијанштрасе. Прескапо за многумина – но сепак малку поевтино отколку во хрватски ресторан во Ровињ.
Но, не само што цената на овој коктел е висока, австриската гостинка била непријатно изненадена и од сумите што морала да ги плати за „обични“ нарачки, како леб и вода. Во споменатиот ресторан векна леб чини 6,50 евра, а шише минерална вода од 0,75 литри дури 8,50 евра.
Туристката од Виена морала да плати 38 евра за три шишиња вода и леб, а имало и три хрватски пива за вкупно 24 евра.
Регион
Поскапуваат патарините во Србија, познати се новите цени
![](https://makfax.com.mk/wp-content/uploads/2024/07/Screenshot-2024-07-06-120747.jpg)
Владата на Србија даде зелено светло за новиот ценовник на Јавното претпријатие „Патишта на Србија“.
Новите цени на патарините ќе важат од 10 јули, стои во новата Одлука за висината на посебната такса за користење на јавниот пат, неговиот дел и патниот објект, што ја донесе Јавното претпријатие „Патишта на Србија“.
Ова се новите цени на поединечните делници на српските автопати:
Белград – Шид: 500 динари (265 денари)
Обреновац – Прелина: 560 динари (295 денари)
Белград – Суботица: 800 динари (420 денари)
Белград – Врбас: 470 динари (250 денари)
Белград – Ниш југ: 1.130 динари (595 денари)
Белград – Димитровград: 1.670 динари (880 денари)
Белград – Баточина: 500 динари (265 денари)