Регион
„Еј ти зад дрвото, ми рече па почна да пука“ – болна исповед на младо момче кое го преживеа масакрот кај Младеновац

Поминаа 40 дена од трагедиите што ја потресоа Србија, а сведоците на трагичните настани се обидуваат да закрепнат и да продолжат со својот живот што е можно повеќе. Еден од младите луѓе кои беа цел на Урош Блажиќ, Јован Ранковиќ (21) од Мали Орашје, се присети на кобниот ден кој за чудо го преживеа.
„Се договорив со другарите Н.С. и Л.М.(младите момчиња кои беа убиени) да одиме во училишниот двор и цело попладне бевме заедно. Седевме, пиевме пиво и се шегувавме, а потоа решивме да одиме во „Равни Гај“ за да не им пречиме на жителите во близина на училиштето бидејќи бевме бучни. Непосредно пред да дојде убиецот, се допишував со еден пријател, кому му се јавив да се дружи со нас и му напишав дека 16 седиме на споменикот. Видов паркиран „мерцедес“, па помислив дека доаѓа другарка, која ја вози истата кола, а потоа овој млад човек грубо довикна: „Легнете!“, а другарот го вика на пиво, додека јас исто на шега додадов дека е пивото ладно“ – вели Јован за „Курир“.
Тогаш почнал ужасот.
Урош отворил оган. Тој пукал во младите луѓе, а самиот Јован се обидел да се сокрие зад дрво и да си го спаси животот. Меѓутоа, убиецот сакал да го спроведе она што го планирал.
„Ме издаде белиот дуксер, ме виде како ѕиркам од зад дрвото и ми рече ‘Еј ти зад дрвото!’ и почна да пука во мене, па повторно ме погоди во стомакот. Се обидов да побегнам, но се сопнав и во еден момент решив да останам таму и да лежам неподвижен. Се преправав дека сум мртов, не се мрднав…“, вели Ранковиќ, кој бил ранет со четири куршуми, во десниот лакт, белите дробови, слезината и дебелото црево.
„Лежев и слушав каде се движи, а набрзо слушнав шкрипење на отворањето на вратата и гас. Од тогаш изгледа изгубив свест бидејќи не се сеќавам на ништо. Следно што се сеќавам е викање, плач и многу луѓе, гужва… Тогаш само ја кренав ногата за да им дадам знак дека сум жив.
Повредениот млад човек од Мали Орашје рекол дека по излегувањето од болница собрал сили и отишол на местото на пукањето.
„Купив свеќи и отидов до споменикот. Тешко ми беше и студ ми помина низ целото тело, тешко е да се опише чувството што го имав тогаш“ со треперлив глас раскажа преживеаниот Јован. Мештаните масовно му пришле за да го поздрават и да му посакаат брзо закрепнување.
„Куршумот ми отиде точно над лактот, па сега имам шипки кои треба да ги носам неколку месеци, потоа исто толку време треба да носам гипс за да ја задржам раката фиксирана. После тоа, проценката на докторот е дека треба да одам на терапија“, вели Јован и додава дека болка чувствува само кога лежи.
Ноќта помеѓу 4 и 5 мај, 20-годишниот Урош Блажиќ со истрели од автоматско оружје уби осум лица во Дубона и Мали Орашје.
Тој го признал делото, односно дека со автоматска пушка на три локации пукал во неколку лица од групата.
Урош Блажиќ е во притвор кој му беше одреден на 6 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Бебе старо само 7 дена е пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин
Регион
15-годишно девојче загина по удар од автобус во Земун, повредени се неколку лица

15-годишно девојче загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете, пишуваат медиумите во регионот.
Девојчето што починало било удрено од автобус, по што се судриле три патнички возила, според Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
И јавното комунално претпријатие GSP се огласи по повод тешката сообраќајна несреќа во Земун во која девојче (15) почина кога беше удрено од автобус а неколку лица беа повредени, стои во написите на српските медиуми.
„Денес околу 12:20 часот, на улицата Цар Душан на број 136, се случи тешка сообраќајна несреќа со смртоносен исход и неколку полесни повреди. Во оваа несреќа учествуваа неколку патнички возила и автобус од линија 18 што ја напушти гаражата и се упати кон терминалот за да се вклучи во сообраќајот. Околностите под кои се случи оваа сообраќајна несреќа се уште се непознати и полицијата работи на нивно утврдување“, изјави GSP.
Како што пишува „Телеграф“, автобусот се обидел да избегне жена која трчала преку улицата надвор од пешачкиот премин, поради што свтел на тротоарот, удирајќи го девојчето кое завршило под возилото. На патот, тој удрил во неколку паркирани автомобили, а потоа се забил во порта на куќата.
Телото на девојчето било извлечено од под автобусот од пожарникари, а екипите за итни случаи можеле само да констатираат смрт. Во несреќата биле повредени десет лица, меѓу кои деветмесечна бремена жена, мајка и шестгодишно дете, 74-годишна жена.
Фото: принтскрин
Регион
Девојки скокнале од воз во движење бидејќи ја пропуштиле својата станица, едната е во критична состојба: хорор во Бугарија

Две девојки, на возраст од 20 и 21 година, биле итно префрлени во болница во Пловдив откако скокнале од патнички воз на линијата Софија-Бургас во близина на железничката станица „Клисура“, потврди вчера прес-центарот на Одделот за внатрешни работи во Пловдив. 20-годишната девојка се здобила со тешки повреди и е во критична состојба, објавува порталот 24chasa.bg.
Инцидентот бил пријавен во службите за итни случаи во вторник околу 13:30 часот. Според првичните информации, девојките скокнале од прозорецот додека возот се движел, објавува БНТ.
Се наведува дека тие скокнале од возот во движење бидејќи ја пропуштиле станицата од каде што требало да слезат.
Наводно, не успеале да ја отворат вратата од вагонот на време. Кога конечно успеале да го сторат тоа, решиле да скокнат, но возот веќе добивал брзина.
Покрената е прелиминарна истрага и е известено Окружното обвинителство.
Поради инцидентот, сообраќајот помеѓу станиците „Клисура“ и „Стрјама“ е привремено прекинат.
Според Антонија Иванова од прес-центарот на Универзитетската болница за активен третман „Свети Георги“ во Пловдив, состојбата на 20-годишното девојче е исклучително лоша, објавува 24chasa.bg.
„Во моментов не можам да дадам никакви дополнителни информации. Другото девојче, кое има 21 година, е хоспитализирано во клиника во здравствена установа во стабилна состојба“, рече таа.
фото: принтскрин