Регион
Зеленски по средбата со Радев: Ми кажа дека нема да ни даде оружје, не сакам да го критикувам, гостин сум

Со бугарскиот претседател Румен Радев не најдовме заеднички јазик за оружјето, но имавме разбирање за други теми, меѓу кои и енергетиката. Вака одговарајќи на новинарски прашања во Софија, украинскиот претседател, Володимир Зеленски ја коментираше средбата со Радев кој јасно му даде до знаење дека Бугарија нема да испрати оружје во Украина.
Прашан од новинарите како ја коментира средбата и дали ја почувствувал поделеноста кај Бугарите во поглед на ставот за војната, Зеленски рече дека тоа што воопшто се говори на оваа тема кажува многу за бугарската демократија и почитување на гледиштата.
„Со Радев, кога станува збор за оружјето имаме различни гледишта. Тој смета дека тоа би претставувало ескалација, јас сметам дека е заштита. Нема да го критикувам претседателот, а сум на гости. Ја подржувам вашата држава и вашиот избор“, рече Зеленски.
Украинскиот претседател раскажа дека на средбата Радев му рекол оти не би допуштил да се намали оружјето во бугарската држава, на што Зеленски му одговорил дека ако Русија напредува, а Украина падне, бугарското оружје нема да стигне. По ова, присутните во салата во Софија го поздравија Зеленски со ракоплескање.
Прашан која е причината што допатувал во Бугарија и што сака да постигне, Зеленски рече: дефицит на оружје, време, енергетика.
За време на средбата со Радев, како што пренесоа бугарските медиуми, Зеленски го коригирал шефот на бугарската држава кој во неколку наврати наместо војна, го употребил зборот конфликт.
„Ова е војна, а не конфликт“, му рекол Зеленски на Радев.
Кога Радев му кажал на Зеленски дека нема да му излезе во пресрет со поддршка со оружје и муниција, украинскиот претседател му одговорил: „Вашата армија, што и да имате, нема да биде доволна да се борите ако Русија дојде овде… Ваше право е да не поддржувате помош за Украина. Добро е да им давате на луѓето за да се бранат да не ви дојде војната. Не дај боже да стане трагедија и да ви дојде војната, што ќе правите тогаш ако никој не ви помогне“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пленковиќ: Новите членки на ЕУ немаат право на донесување одлуки, тоа би било како да бидете поканети на прием и да стоите напред додека другите се внатре

Хрватскиот премиер Андреј Пленковиќ денес на маргините на состанокот на Берлинскиот процес изјави дека се спротивставува на идејата новите членки на Европската унија првично да немаат целосни права на донесување одлуки. Пленковиќ учествуваше на самитот на Берлинскиот процес во Лондон, иницијатива воспоставена со цел да се приближат шест земји од Западен Балкан кон Европската унија.
Иако прашањето за проширувањето доби нов импулс поради променетите геополитички околности, некои европски политичари предупредуваат дека тоа не може да се постигне без да се промени начинот на кој функционира самата Европска Унија, особено во процесот на донесување одлуки.
Една идеја е дека потенцијалните нови членки немаат целосни права на глас сè додека ЕУ не го промени својот сегашен начин на функционирање, што им овозможува на поединечните земји да блокираат заеднички одлуки, што на пример, Унгарија често го прави.
„Оваа идеја циркулира во последните неколку години, но не сум особено ентузијастичен за тоа“, рече Пленковиќ на маргините на состанокот одржан во лондонскиот „Ланкастер Хаус“.
„Една од главните карактеристики на една држава е тоа што е почитувана. И е почитувана ако има еднакви права“, нагласи хрватскиот премиер.
Членството без право на донесување одлуки би било како „да бидете поканети на прием и да стоите напред додека другите се внатре“, смета Пленковиќ. „Не сум убеден во тоа“, додаде тој. Хрватскиот премиер рече дека пристапот на ЕУ кон проширувањето денес е многу „поотворен отколку што беше пред неколку години, земајќи ги предвид глобалните безбедносни предизвици што се одразуваат на стабилноста на Европа“.
Берлинскиот процес беше започнат во 2014 година.
Земјите кандидати треба да ја искористат оваа можност, но во исто време да ги „исполнат своите задачи“: да го прифатат acquis, да градат институции и да можат да го издржат притисокот на заедничкиот европски пазар, рече премиерот на крајот од состанокот на Берлинскиот процес.
Ова е формат започнат во 2014 година на конференција на земјите од Западен Балкан и на иницијатива на Германија, која тогаш ја водеше канцеларката Ангела Меркел. Процесот денес обединува шест земји од Западен Балкан, заедно со земјите партнери: Австрија, Бугарија, Хрватска, Франција, Германија, Грција, Италија, Полска, Словенија и Велика Британија, пишува хрвстаки „Индекс“.
Фото: принтскрин
Регион
Милановиќ: Само САД и Русија можат самостојно да војуваат, Кина сè уште не

Хрватскиот претседател Зоран Милановиќ денес изјави дека само две земји во светот, како и пред 50 години, можат сами да војуваат во прашања поврзани со енергијата и ресурсите – тоа се САД и Русија, но не и Кина.
На Факултетот за организација и информатика во Вараждин, Милановиќ добар дел од својата презентација ја посвети на Русија и воениот конфликт во Украина.
„Русија е во изолација, кој ги изолираше? Колку луѓе има на земјината топка – 8,5 милијарди. Да погледнеме како се распоредени населението и политичките власти во околу двесте земји, и ќе видиме дека оние што ги изолираат Путин и Русија, заедно со Јапонија и Кореја, сочинуваат 12 проценти од светската популација, а 10 проценти се неутрални. Останатите не можат живи да нè видат“, рече тој.
Брилијантните стратези на Западот, рече Милановиќ, успеаја да го направат она што беше недостижно, да ги помират и збратимат Русија и Кина.
„Значи, сега ги имаме двете најопасни земји во светот со кои стекнавме пријатели, наместо да бидат на дистанца, така што Русија има одредена нервоза кон Кина, а не да пие од чашата на вечниот сојуз“, изјави претседателот на Хрватска, пренесува Хина.
Потсетувајќи се на зборовите на Владек Мачек: „Кога големите се караат, малите одат под маса“, тој рече дека тоа е одлична почетна точка за размислување, но не и добра имплементација. „Кога големите се караат, малите не одат под маса, малите се тргаат од масата. Јас би ја применил неговата максима на нашата ситуација во свет кој се менува до непрепознатливост“, рече Милалановиќ.
Фото:
Регион
Вучиќ: Терористички чин пред српскиот парламент

Српскиот претседател Александар Вучиќ денес во Палатата на Србија изјави дека пред српскиот парламент се случил терористички чин.
„Јас сум првиот што зборува и се извинувам што ќе морам да го напуштам овој прекрасен состанок. Причината е терористичкиот чин што се случи пред српскиот парламент, па ќе морам да се занимавам со други работи“, рече претседателот на Србија на состанокот по повод потпишувањето договор за распределба на средства за купување селска куќа“, јавуваат српските медиуми.
Претходно денес, пожар избувна пред српскиот парламент кратко по 10 часот наутро, а пред тоа се слушнаа истрели. Во меѓувреме, едно лице е уапсено.