Регион
Земјотрес со јачина од пет степени би можел наскоро да ја погоди Србија, предупредуваат сеизмолозите
![](https://makfax.com.mk/wp-content/uploads/2023/02/srbija-zemjotres.jpg)
Сеизмологот Ана Младеновиќ изјави дека според геолошките и сеизмолошките истражувања, подрачјето на централна Србија има повратен период на земјотреси и соодветно на тоа се очекува земјотрес со јачина од пет степени.
Таа за „Танјуг“ објасни дека последниот земјотрес од таа јачина се случил во Краљево во 2010 година и оти е можно енергијата што доаѓа од Турција и Романија да го забрза тој процес.
Говорејќи за земјотресот во Турцја, Младеновиќ рече дека нејзините колеги го знаеле специфичниот сегмент од раседот и пресметале дека може да се случи земјотрес од таа јачина.
„Тоа е целосно научно засновано и верувам дека се во право кога велат дека го предвиделе земјотресот“, посочи таа.
Младеновиќ објасни дека кога ќе се случи земјотрес најважно е да не се паничи, да не се скока од прозорец или да трча по скалите, туку да чека да помине потресот.
Републичкиот сеизмолошки завод во изминатите денови регистрираше неколку земјотреси на подрачјето на Краљево, од кои неколку најсилни со магнитуда од 2,4 степени.
Исто така, земјотресите беа чести во регионот на западна Романија, од кои дел беа почувствувани во Србија.
Сеизмологот Славица Радовановиќ истотака смета дека во Србија може да се очекува почеста сеизмичка активност, што укажува на зголемена активност во источниот Медитеран.
Радовановиќ за РТС изјави дека земјотресите што се случиле во Романија, а биле почувствувани и во Србија, биле во област каде последниот земјотрес со таква јачина бил во 1940 година и каде имало долгорочна акумулација на сеизмичка енергија.
„Кога се случи турскиот земјотрес, само мал прилив на сеизмичка енергија беше неопходен за да се активира тој бран. Да немаше турски земјотрес, романскиот ќе се случеше можеби само една или две години подоцна, но сигурно ќе се случеше. “ изјави Славица Радовановиќ .
Таа додаде дека може да се каже дека турскиот земјотрес, како исклучително силен, со силна магнитуда која е на самиот врв за континентални земјотреси, бидејќи се смета дека тие можат да бидат и до осум степени по Рихтеровата скала, ги забрза земјотресите во Романија, но и предизвика земјотрес што се случи во Хрватска.
„Серијата земјотреси заедно зборува за тоа дека целото подрачје на источниот Медитеран влезе во време на зголемена сеизмичка активност и дека земјотреси со максимална јачина ќе има во различни епицентрални зони на ова подрачје“, изјави Радовановиќ.
Таа оценува дека зголемената сеизмичка активност ќе трае неколку години.
„Секогаш зборуваме за неколку години, а најчесто велиме дека во следните десет години се можни вакви настани, бидејќи сите тие притисоци се пренесуваат низ Земјата многу побавно отколку нашите стравови“, изјави таа.
На прашањето колку силен земјотрес може да се очекува во Србија, Славица Радовановиќ објасни дека Србија може да ја погоди земјотрес со максимална магнитуда од шест степени според Рихтеровата скала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Трагедија во Грција: британски нуркач се удави додека истражуваше познат потонат брод
![](https://makfax.com.mk/wp-content/uploads/2024/07/potonat-brod-grcija.jpg)
Британски турист трагично загина нуркајќи во близина на познат грчки потонат брод, пишува „Сан“.
33-годишниот маж се удавил додека нуркал кај потонатиот брод Епаноми во Солун поради „немирно море“, јавуваат локалните медиуми.
Нуркачот влегол во неволја во неделата попладне, поради лошото време.
Официјален претставник на крајбрежната стража изјавил дека кога пливал, времето се променило и почнало да врне.
– Веднаш се испратени чамец за спасување и брза помош, но додека пристигнале тој бил извлечен од водата без свест, вели службеникот.
Тој изјавил дека од водата го извлекол храбар пливач.
Службеникот додаде дека Капетанијата на пристаништето Миханион ја истражува несреќата и дека ќе биде извршена обдукција.
Трагедијата го зголеми бројот на загинати туристи во Грција на девет од почетокот на јуни, откако минатиот петок во Спецес беше откриено телото на британскиот морнар.
Регион
Грција: Пожари на островите Хиос и Кос во источниот дел на Егејското Море
![](https://makfax.com.mk/wp-content/uploads/2024/07/hjk.jpg)
Грчките пожарникари биле алармирани да ги локализираат пожарите кои денеска избувнаа на островите Хиос и Кос во источниот дел на Егејското Море.
Грчките служби за итни случаи издадоа наредби за евакуација на жителите од областа Метохи во западен Хиос, повикувајќи ги да се упатат кон блиската плажа, пренесува АП.
Малку појужно, на островот Кос, противпожарната служба соопшти дека 20 пожарникари, хеликоптер и доброволци се борат со пожарот кој избувна во централниот дел на островот.
Регион
Мицотакис: Грција се соочува со опасно лето поради пожари, суша и ветрови
![](https://makfax.com.mk/wp-content/uploads/2019/01/micotakis.jpg)
Грчкиот премиер Киријакос Мицотакис предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да ни го свртам вниманието назад кон летото за кое се предвидува дека ќе биде особено опасно“, рече Микотакис, пренесува Катимерини.
Шумските пожари се вообичаени во Грција, а топлото, суво и ветровито време кое научниците го припишуваат на ефектите од климатските промени ја зголеми нивната фреквенција и интензитет.