Регион
Илјадници луѓе пристигнаа во Сребреница на комеморацијата на жртвите
![](https://makfax.com.mk/wp-content/uploads/2024/05/srebrenica4.jpg)
Илјадници луѓе пристигнаа во Сребреница со цел да учествуваат на комеморацијата на 29-годишнината од геноцидот извршен врз Бошњаците во 1995 година, а беше најавена од многубројни политичари и претставници на меѓународната заедница.
Пред комеморацијата во Сребреница, Гати Сантана рече дека Преостанатиот механизам за меѓународните кривични судови (МИКТ), наследникот на Хашкиот трибунал, ќе продолжи со својата работа најмалку во следните две години со цел да му помогне на судството во Босна и Херцеговина во процесирање на преостанатите случаи на воени злосторства.
„Ние сме далеку од затворање на вратите на Механизмот. Тоа зависи од одлуката на Советот за безбедност на ОН“, рече таа.
Меѓународниот кривичен трибунал за поранешна Југославија (МКТЈ) и МИКТ заедно со судовите во Босна и Херцеговина, Хрватска и Србија досега осудиле вкупно 54 лица за воени злосторства во Сребреница, вклучително и за геноцид, и ги осудиле на 781 година во затвор.
Само за геноцидот во Сребреница беа осудени седум лица, меѓу кои и воените водачи на босанските Срби, Радован Караџиќ и Ратко Младиќ, кои беа осудени на доживотен затвор.
Други 11 члена на војската или полицијата на босанските Срби или српските структури беа осудени на затворски казни за други злосторства во Сребреница, како што се злосторства против човештвото. По комеморацијата в четврток, во Сребреница ќе бидат погребани посмртните останки на уште 14 жртви на геноцидот.
Во четвртокот лидерот на ХДЗ БиХ, Драган Човиќ, изрази солидарност со членовите на семејствата на жртвите.
„Денес, на 29-годишнината од страшното злосторство, светот колективно се сеќава на болката и жртвите на Сребреница. Нека споменот на геноцидот во Сребреница и сите одземени невини животи биде трајна обврска за одржување на мирот, но и предупредување вакво зло никогаш повеќе да не се повтори“, објави Човиќ на платформата Х.
Лидерот на босанските Срби, Милорад Додик, испрати порака со сочувство додавајќи дека односот кон овој ден треба да покаже посветеност на мирот, стабилноста и подобрата иднина во Босна и Херцеговина.
„Како што изразив жалење за настраданите Срби, изразувам сочувство до семејствата на Бошњаците“, напиша Додик на Х.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.