Регион
И Хрватска ќе протера руски дипломати
Хрватскиот министер за надворешни работи, Гордан Грлиќ Радман, во средата во Брисел најави дека Хрватска ќе протера некои руски дипломати, како што веќе направија многу членки на ЕУ и НАТО.
„Ќе го направиме тоа од солидарност и како реакција на она што се случува, на овие ужасни сцени од Буча и другите украински региони“, рече Грлиќ Радман доаѓајќи на состанокот на министрите за надворешни работи на земјите членки на НАТО.
Тој посочи дека тоа силно потсетува на трагичните настани од пред повеќе од 30 години во Вуковар.
Голем број земји членки на НАТО и ЕУ одлучија да протераат некои руски дипломати по извештаите за откривање масовни гробници и убиства на цивили во украинскиот град Буча по повлекувањето на руските војници.
Министрите за надворешни работи на 30-те земји членки на НАТО ќе разговараат за дополнителна помош за Украина. Тие ќе разговараат за распоредување противтенковско оружје, противвоздушни системи, сајбер-помош, опрема за заштита од хемиски и биолошки закани.
В четврток ќе им се придружи и украинскиот министер за надворешни работи, Дмитриј Кулеба, кој ќе ги информира за најновите случувања, вклучително и преговорите меѓу Киев и Москва.
На состанокот ќе присуствуваат и Финска, Шведска, Грузија и Европската унија, како и партнери од азиско-пацифичкиот регион Австралија, Јапонија, Нов Зеланд и Јужна Кореја.
На состанокот ќе се разговара и за новиот стратешки концепт, кој треба да биде усвоен на самитот на алијансата во Мадрид кон крајот на јуни.
„Подготвуваме нов стратешки концепт за да може алијансата да одговори на сите форми на закани, да биде поефективна и што посилна“, рече Грлиќ Радман.
Тој додаде дека документот ја опфаќа и политиката на проширување т.н. политика на отворени врати нагласувајќи дека Хрватска е посветена на приемот на земјите од Западен Балкан во НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.