Регион
Мигранти киднапираа Словенец и со неговиот автомобил избегаа во Италија
Словенечката полиција ја потврди приказната за киднапирањето на еден постар човек од селото Мали Нерајец во близина на Чрмомељ, во југозападниот дел на Словенија, кого го киднапирале мигранти и со неговиот автомобил побегнале во Италија, каде што беа уапсени.
Полицијата сè уште го испитува случајот, но според веста објавена од страна на словенечката телевизија, полицијата го потврди случајот и рече дека мигрантите што се вклучени во киднапирањето се уапсени во соработка со италијанските колеги.
Група од четири мигранти вчера киднапирале 79-годишен маж, кој го прскал лозјето, го врзале и го ставиле во багажникот на неговиот автомобил, а потоа го исфрлиле во шумата оддалечена 180 километри од Сежана, на другиот крај на земјата, и побегнале во Италија, според „Индекс.хр“.
Ќерката на киднапираниот човек за локалните медиуми изјави дека татко ѝ, кога таа зборувала со него пред да се случи инцидентот, ѝ рекол дека има гости, кои му се претставиле како археолози што сакаат да видат дали на лозјето има некои археолошки наоди. Подоцна таа видела дека низ селото поминал автомобилот на татко ѝ, но него не го видела.
„Со оглед на тоа дека подоцна во лозјето не го најдовме, ниту можевме да стапиме во контакт со него, кренавме тревога“, рече таа.
Човекот, конечно, му телефонирал на семејството околу 18 часот и рекол дека бил киднапиран и исфрлен од автомобил во шумата во близина на границата со Италија, па дошол до една куќа од која им се јавил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.