Центрите за прием на мигранти на неколку грчки острови се ставени под двонеделна блокада оваа недела со цел да се намали ширењето на коронавирусот, пренесува „Катимерини“.

Строгиот режим на движење ќе се однесува на сите посетители и волонтери, како и на персоналот на организации и невладини организации што работат со мигранти. Услугите во прифатните центри, како што се училиштата и другите објекти, исто така ќе бидат прекинати.

Грчкото Министерство за миграција ги објави мерките во вторникот, на мигрантите ќе им се укажува да не ги напуштат прифатните центри, а се очекува санитарните услови да бидат подобрени во камповите.

Строгиот режим доаѓа само една недела откако островот Лезбос, кој е домаќин на озлогласениот мигрантски камп „Морија3, го забележа својот прв потврден случај на коронавирус. Мигрантскиот камп „Морија“ исто така забележа голем пожар претходно неделава, што доведе до смрт на шестгодишно дете.

Насилните инциденти ескалираа на Лезбос во последните денови бидејќи Турција одбива да ги затвори портите кон Европа.

Невладината организација „Лекари без граници“ ја повика грчката влада да ги евакуира мигрантите од островите наместо да ги стави под режим тврдејќи дека лошите санитарни услови во преполнетите кампови се совршени услови за ширење на вирусот.

Д-р Хилде Вохтен, грчки медицински координатор на ММФ, ја коментира ситуацијата велејќи: „Во некои делови од логорот ‘Морија’ има само една чешма со вода за 1.300 луѓе и нема сапун. Семејства од пет или шест луѓе мора да спијат на места помали од три квадратни метри“.

„Ќе биде невозможно да се контролира евентуалната појава на вирусот“, рече д-р Вохтен. „Со оглед на немањето соодветни санитарни услуги и строго ограничената медицинска нега, ризикот од ширење на вирусот кај жителите на камповите во Грција е исклучително голем“, додаваат од невладината организација.