Регион
„Мојата оставка е на маса, се надевам дека изборите ќе се одржат во декември“, се огласи Ана Брнабиќ

Не дадов датуми на владината седница на владата на Србија, но верувам и се надевам дека изборите ќе се одржат во декември, изјави денеска премиерката Ана Брнабиќ во врска со информациите што се појавија во одредени српски медиуми дека наводно побарала од министрите и од државните секретари на седницата сите уредби и прописи, кои се во процедура, да бидат донесени до средината на октомври.
„Не се точни информациите што ги добивте од луѓето што беа присутни на владиниот состанок. Не дадов датуми“, рече премиерката.
„Што се однесува до мене, верувам и се надевам дека тоа ќе биде во декември. Секогаш сме подготвени за избори, јас реков дека мислам оти е подобро да се одржат порано отколку подоцна и конечно, а пред два месеца реков дека мојата оставка е на маса и дека опозицијата, ако сака избори, треба да почне“, им изјави Брнабиќ на новинарите во Белград.
Брнабиќ додаде дека се е во согласност со она за што претходно зборувале, но и во согласност со барањето на опозицијата од септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.