Регион
На Дедиње уапсен најголемиот наркобос на Балканот, паднаа и адвокати и полицајци од неговата мрежа
Во регионот се спроведува голема полициска акција што треба да го означи падот на најголемиот наркоклан на Балканот, пишуваат регионалните медиуми.
Српската полицијата денеска ја опколила куќата на обвинетиот наркобос Дарко Шариќ на Дедиње, кој е уапсен за сосема нови кривични дела, а не за оние за кои веќе е обвинет, пишуваат српските медиуми.
Според достапните информации, тој сега е осомничен за организирање криминална група одговорна за неколку убиства во Србија и Црна Гора, а наводно поседувал два сателитски телефона и апликација „Скај“.
Претресот на куќата на Шариќ траел најмалку два и пол часа, пишува КРИК, а пред неговата куќа пристигнале десетина полициски возила. Припадниците на Специјалната антитерористичка единица (САЈ) биле на улицата пред објектот.
На Шариќ повеќе од 10 години му се суди за меѓународен шверц на 5,7 тони кокаин, двапати беше осуден, но случајот беше вратен на повторно судење на почетокот на годинава. Нему му се суди и за перење на повеќе од 20 милиони евра пари од кокаин. За овој случај тој е осуден на девет години затвор, но пресудата моментно ја разгледува Апелацискиот суд во Белград. Шариќ беше во бегство речиси четири години, а во 2014 година ѝ се предаде на полицијата. Тој беше во притвор до декември минатата година, кога беше префрлен во домашен притвор и престојува во куќата на Дедиње.
Во големата меѓународна акција на „Европол“ и „Јуроџастис“, во која учествуваат и српската полиција и обвинителство, а во која утрово беше уапсен Дарко Шариќ, уапсени се и повеќе полицајци меѓу кои Данило Стојановиќ и Милутин Радовановиќ.
Српски „Курир“ потсетува дека Стојановиќ и Радовановиќ неодамна биле уапсени под сомнение дека го претепале нивниот колега Милан В., инаку началник на „Интерпол“. Сите уапсени ќе бидат изведени на распит во Обвинителството за организиран криминал.
„Курир“ додава дека Стојановиќ своевремено бил началник на Службата за криминалистичко-разузнавачки работи (УКП), по што привремено беше префрлен на позицијата главен координатор во Единицата за заштита на лица и објекти.
„Во обвинителството најверојатно во текот на утрешниот ден ќе бидат изведени осомничените, кои се поврзуваат со криминална група, која, како што се наведува во наредбата, ја организирал Дарко Шариќ“, вели извор на „Курир“.
За уапсените полициски службеници се верува дека подолго време биле на платниот список на Шариќ.
„Постојат сомнежи дека му вршеле разни ‘услуги’ на Шариќ, а со тоа извршиле злоупотреба на службената положба, но и кривично дело тргување со влијание, со тоа што влијаеле врз други полициски службеници, обвинители и судии на претходна постапка да донесат решенија кои инаку не би требало по закон“, открива соговорник на „Курир“ од истрагата.
Во големата акција се уапсени и навивачот Урош Мишиќ и адвокатот Дејан Лазаревиќ. Некои медиуми пишуваат дека меѓу уапсените има и судии, но засега тоа официјално не е потврдено.
Дарко Шариќ е поврзан и со организацијата на убиството на членовите на шкаљарскиот клан Алан Кожара и Дамир Хоџиќ на Крф, како и со некои настани во Црна Гора, пишува „Новости“.
И хрватското МВР утрово потврди дека во соработка со УСКОК и ПНУСКОК завршила кривична истрага од меѓународен карактер, при што уапсени биле 10 лица за кои медиумите пишуваат дека шверцувале најмалку тон и пол кокаин од Јужна Америка. Српски „Блиц“ дознава дека овие апсења се поврзани со апсењето на Шариќ, односно уапсената група соработувала со наркобосот од Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Москва: Обвинението против Додик ќе има катастрофални последици за целиот Балкан
Министерството за надворешни работи на Русија денеска оцени дека осудата на претседателот на Република Српска, Милорад Додик, ќе има катастрофални последици за Босна и Херцеговина, но и за целиот Балкан.
Министерството истакна дека обвиненијата против Додик се засноваат на „одредбите на псевдозаконот што самоволно и беше наметнат на суверена Босна и Херцеговина од самопрогласениот „висок претставник Кристијан Шмит“ и тие се надвор од законската рамка.
„Година и пол долгото „судење“ од самиот почеток не беше ништо друго освен пародија на судството и отворено исмејување на основите на владеењето на правото. Прогонот на Милорад Додик има чисто политички карактер, тој беше инспириран од Западот, кој со рацете на своите марионети во правосудните органи на Босна и Херцеговина се надеваат на елиминација на политичките сили на Република Српска од политичката сцена, оние кои даваат отпор на евроатлантскиот неоколонијализам“, се наведува во соопштението, пренесува Спутник.
Министерството за надворешни работи на Русија повика да не се предизвикува зголемување на тензиите во Босна и Херцеговина, што би било удар за стабилноста на Балканот.
„Одговорноста за ваквиот развој на настаните ќе ја сносат оние кои фабрикуваа неуставен и антидејтонски случај против Република Српска и, спротивно на сета правна логика и здрав разум, го поддржуваа до денес, доведувајќи го процесот на меѓународно помирување во ќорсокак. Москва очекува дека сите гореспоменатите околности ќе бидат земени предвид, се наведува во соопштението за медиумите на руското министерство, пренесува Танјуг.
Регион
Девојче дошло до првиот минувач на кој случајно наишло и побарало помош: по пронаоѓањето на поголем број деца во БиХ
По пронаоѓањето на поголем број деца на подрачјето на Брчко, за кои се смета дека се жртви на кривично дело трговија со луѓе, полициската управа на Хрватска излезе со соопштение. Во него тие нагласуваат дека е воспоставен контакт со колеги од полицијата на округот Брчко и дека според првичните информации шест деца имаат хрватски документи.
Како што наведуваат, прелиминарните проверки покажале дека, според доставените податоци за идентификација, пронајдените деца не се исчезнати на територијата на Република Хрватска. Иако документите што ги поседуваат децата се во согласност со хрватските закони, полицијата ќе преземе дополнителни проверки на автентичноста на документите и идентитетот и ќе ги преземе сите неопходни чекори за расветлување на ситуацијата.
Индекс пренесува од полициски извори дека во Брчко биле пронајдени претежно деца Роми, а помал број од нив имале хрватски пасоши.
Како што пренесуваат медиумите во регинот, овој случај станал познат кога дванаесетгодишно девојче, кое било затворено во куќата, излегло на улица во придружба на две деца. Со себе го имала и пасошот.
„Таа се приближила до првиот минувач на кој наишла и побарала помош. Луѓето го известиле Центарот за социјални работи и полицијата бидејќи девојчето не сакала да се врати назад, по што бил откриен хоророт“, вели извор на „Блиц“ од истрагата. Според него, минувачот ја известил локалната полиција без да размислува за се.
„Набрзо полицајците во придружба на вработен во Центарот за социјални работи упаднаа во куќата и ги затекнаа децата. Некои спиеја и во креветчиња, а некои деца седеа на мебелот“, вели соговорникот.
Во тек е идентификација на пронајдените деца, како и контакт со родителите на најмалите. Од истрагата има одредени индиции дека некои родители доброволно ги дале своите деца да се чуваат во куќа во Брчко, пишуваат медиумите.
Досега се уапсени три лица осомничени дека извршиле повеќе кривични дела меѓу кои и трговија со луѓе. ФТВ објави дека меѓу уапсените се и судскиот полицаец и неговата мајка. Според написите, меѓу пронајдените деца имало и деца под една година. Изворот за Klix.ba вели дека децата ги чувала жена, најверојатно италијански државјанин.
Како што соопштија од окружната полиција Брчко, преземајќи активности од нивна надлежност, полициски службеници вчера под надзор на Окружното обвинителство Брчко и во соработка со Одделението за социјална заштита и Црвениот крст пронашле поголем број деца и ги однеле на безбедно место.
„Во рамки на досегашните активности, уапсени се три лица поради основано сомнение дека сториле кривични дела трговија со луѓе, трговија со деца и занемарување или злоупотреба на деца. Истрагата за наведениот настан е во тек“, соопштија оттаму.
„Имајќи ги предвид законските одредби при постапување по кривични предмети против сторители на кривични дела против деца и малолетници, како и универзалните права на детето, потсетуваме на обврската особено внимателно да се постапува, со цел да се избегнат натамошни штетни последици и да се заштитат интересите на детето“, велат од полицијата која ја води истрагата.
„Постапувајќи во рамките на своите овластувања, полицијата на округот Брчко БиХ, врз основа на оперативни сознанија и под надзор на Обвинителството на округот Брчко БиХ и во соработка со Пододделот за социјална заштита на округот Брчко БиХ и Црвениот крст на округот Брчко, пронајде 31 малолетно дете во приватен комплекс во Брчко и ги смести на безбедно место.
Во доцните вечерни часови истиот ден, полицијата на округот Брчко на БиХ, под надзор на Обвинителството на Округот Брчко на БиХ, лиши од слобода три лица – З.Ѓ. и А.Ѓ. од Брчко и В.П. од Бања Лука поради постоење основано сомнение дека сториле кривични дела трговија со луѓе од член 207а, трговија со деца од член 207б и кривично дело запуштање или злоупотреба на дете“ од член 216 од Кривичниот законик на округот Брчко на БиХ.
За прибирање материјални докази, по наредба на Обвинителството на Округот Брчко на БиХ, спроведена е истрага, а врз основа на усна наредба на Основниот суд на округот Брчко на БиХ, извршен е претрес во просториите на станбената зграда во која се наоѓале децата.
Обвинителството на округот Брчко на БиХ отвори предмет за КТА веднаш по добивањето на известувањето од полицијата на округот Брчко на БиХ и интензивно презема истражни дејствија за утврдување на постоење на основано сомнение за сторени кривични дела трговија со луѓе од член 207а или кривично дело трговија со деца70 216 од Кривичниот законик на округот Брчко на БиХ“, соопштуваат надлежните.
Регион
Додик се огласи по пресудата
Милорад Додик, по пресудата, со која беше прогласен за виновен, изјави дека нема причина за загриженост.
„Мора да бидеме весели. Една година сум осуден на нивните с****, на нивниот затвор. Тие велат дека сум виновен, а сега луѓето тука ќе објаснуваат зошто не сум виновен“, рече Додик пред Народното собрание во Бања Лука.
„Значи, нема причина за грижа, научив да се справувам со потешки работи, па ќе го надминеме и ова. Важно ми е да сте тука и да ме поддржувате“, рече Додик.
Судот на Босна и Херцеговина денеска донесе првостепена пресуда против претседателот на Република Српска, Милорад Додик, со која е осуден на една година затвор и шестгодишна забрана за вршење политичка функција како претседател на РС.
Зеленски му порача на Трамп: Нема да вратиме ниту 10 центи
Украинскиот претседател Володимир Зеленски рече дека се надева оти првичниот договор за минерали со Соединетите Американски Држави ќе доведе до...
Најсовесно и чесно ја извршував функцијата, не чувствувам ниту морална ниту професионална одговорност за да поднесам оставка, вели Чачарова- Илиевска
Тања Чачрова-Илиевска не чувствува одговорност за да поднесе оставка, како што очекува премиерот Христијан Мицкоски по поднесената интерпелација за членови...
Антикорупциската комисија парично казни повеќе поранешени и актуелни функционери, меѓу нив Груби, Меџити, Крмов
Антикорупциската комисија достави информации за имињата на 86 поранешни и актуелни носители на јавни функции, кои се казнети со глоба...
Матичните штрајкуваат поради измените во „Мој термин“, од Министерството за здравство велат дека верификувањето на телефонскиот број на пациентите е еднократно
Матичните лекари денеска одржаа едночасовен предупредувачки штрајк поради новите измени во системот „Мој термин“. Претседателката на Здружението на приватните матични...
Ме обвинуваа дека сум анти-Америка, а сега им пречи што имаме одлична соработка со администрацијата на Трамп, рече Мицкоски
Премиерот Христијан Мицкоски смета дека СДСМ немаат кридибилитет да зборуваат за надворешната политика, по понижувањата на коишто ја изложија државата....
Филипче за резолуцијатa во ОН: Владата ја води надворешната политика без компас и стратегија
Конфузна, импровизирана и без компас е надворешната политика што Владата ја води по последните случувања во Обединетите нации поврзани со...
Тинејџер од Куманово со „ауди“ се заби во бетонска ограда од куќа, тешко повреден
На регионалниот пат кон Матечје, Липково, 16-годишен кумановец возејќи „ауди“ удри во бетонска ограда од куќа. Во несреќата со тешки телесни...
(Видео) Пред Кривичен се бара правда за Феликс: Држава што не превенира и не санкционира охрабрува насилство!
Пред Кривичниот суд во тек е протест на кој се бара правда за кучето Феликс, кое беше претепано со метална...
Македонија е делумно слободна земја, според извештајот на „Фридом хаус“
Според послендиот годишен извештај на организацијата „Фридом Хаус“, која ја следи состојбата на демократијата ширум светот, Македонија повторно е делумно...
Излегуваат детали за клучниот договор меѓу Украина и САД
Киев се согласи со условите на договорот за минерали за ретки земји со САД и украинскиот претседател Володимир Зеленски би...
(Видео) Речиси цело Чиле остана без струја: сообраќајот во колапс, воведен полициски час
Напојувањето е делумно вратено во делови од чилеанската престолнина Сантијаго, откако речиси целата земја остана без струја, јавува Би-Би-Си. Прогласена...
Хамас и Израел се договорија за размена на затвореници и тела на заложници
Хамас објави дека постигнал договор со Израел за истовремено ослободување на повеќе од 600 палестински затвореници и враќање на телата...
(Видео) Украинците ја нападнаа најголемата руска рафинерија на Црното Море со дронови, објавени снимки
Украина го нападна јужниот руски регион Краснодар со голем број беспилотни летала во текот на ноќта, оштетувајќи неколку куќи, вклучително...
Трамп и Зеленски се договорија, ќе потпишат в петок
Украина постигна договор со САД за експлоатација на нејзините клучни минерални ресурси, потврди извор од украинската влада за „Скај њуз“....
Рама: На автопатот кој ги поврзува Дебар и Тирана нема да се наплаќа патарина
На автопатот „Патот на Арбр” (Руга е Арбрит) кој се протега од граничниот премин „Блато” кај Дебар до Тирана нема...
Владата усвои предлог за разрешување на јавниот обвинител Коцевски
Владата на денешната седница го усвои предлогот за разрешување на јавниот обвинител Љупчо Коцевски, a истиот, по завршување на владините...
Маркетите ќе мораат да ги објавуваат на интернет цените на производите
Маркетите отсега ќе мораат да ги објавуваат на интернет цените на производите, со најновите измени на Законот за заштита на...
Неточни се наводите за работата на Министерството за животна средина: Владата ги отфрла шпекулациите
Владата ги провери и затоа ги отфрла шпекулациите и неточните наводи изнесени од СДСМ и ДУИ во врска со работата...
Maкедонската Влада во ОН беше усогласена со САД, Мицкоски ја унапреди соработката, велат од ВМРО-ДПМНЕ
Премиерот Христијан Мицкоски ја унапреди соработката на Македонија со САД, а СДСМ во очај и љубоморат на сопствената држава, реагира...
Украинскиот парламент усвои резолуција со која се потврдува легитимитетот на Зеленски
Украинскиот парламент усвои резолуција со која се потврдува легитимноста на Володимир Зеленски како претседател, а во исто време ја отфрла...
